ق. توقاەۆ ەنەرگيا جيناقتاۋ مەن ەنەرگيانىڭ بالاما كوزدەرىن پايدالانۋ سالاسىنداعى الەمدىك ۇزدىك جەتىستىكتەر كورسەتىلەتىن «ەكسپو-2017» حالىقارالىق كورمەسىنە سەربيانىڭ قاتىسقانى ءۇشىن ا. ۆۋچيچكە ريزاشىلىعىن ءبىلدىردى. «كورمەنىڭ «بولاشاقتىڭ ەنەرگياسى» تاقىرىبى سەربتىڭ ۇلى ونەرتاپقىشى نيكولا تەسلانىڭ يدەيالارىنىڭ جالعاسى, ونىڭ جۇمىستارى قازىرگى زامانداعى تەحنولوگيالاردى دامىتۋعا زور ۇلەس قوستى», - دەدى توراعا.
ق. توقاەۆ اتاپ وتكەندەي, قازاقستان سەربيامەن بارلىق سالالارداعى ءوزارا ءىس-قيمىلدى دامىتۋعا مۇددەلى بولىپ وتىر. پرەزيدەنت ن. نازارباەۆتىڭ 2016 جىلعى تامىزدا بەلگرادقا رەسمي ساپارى ەكىجاقتى ىنتىماقتاستىقتى تەرەڭدەتۋگە ەلەۋلى سەرپىن بەردى.
ەكى ەلدىڭ زاڭ شىعارۋ ورگاندارى بايلانىستارىنىڭ ەرەكشە ماڭىزى بار. «قازاقستان پارلامەنتى سەربيا حالىق سكۋپششيناسىمەن تىعىز ىنتىماقتاستىقتى دامىتۋعا مۇددەلى. پارلامەنتتىك دەلەگاتسيالاردىڭ ساپارلارى ءبىزدىڭ ساياسي ديالوگتى كەڭەيتۋگە عانا ەمەس, ءوزارا ءىس-قيمىلدىڭ بارلىق سالالارى بويىنشا ەكىجاقتى ىنتىماقتاستىقتى ىلگەرىلەتۋگە مۇمكىندىك بەرەدى», - دەدى سەنات توراعاسى.
ق. توقاەۆ ساۋدا-ەكونوميكالىق بايلانىستاردى كەڭەيتۋ مۇمكىندىكتەرىنە دە توقتالدى. ونىڭ پىكىرىنشە, اۋىل شارۋاشىلىعى, قۇرىلىس, مەتاللۋرگيا, ماشينا جاساۋ, فارماتسەۆتيكا مەن تۋريزم سالالارى ىنتىماقتاستىقتىڭ كەلەشەگى زور. ەۋروپا مەن ازيانى بايلانىستىراتىن قازاقستان اۋماعىنداعى اۋقىمدى جوبالاردى ىسكە اسىرۋ اياسىندا كولىك-تاسىمال سالاسى دا ىقىلاس تۋعىزادى.
ك.ۆۋچيچ ءوز كەزەگىندە بەلگراد قازاقستاندى ءوزىنىڭ ايماقتاعى اسا ماڭىزدى ارىپتەسى دەپ سانايتىنىن, ال سەربتىڭ ىسكەرلەر قاۋىمى ساۋدا-ەكونوميكالىق قاتىناستارىن ۇلعايتۋعا مۇددەلى ەكەنىن اتاپ ءوتتى. سەربيا پرەزيدەنتى ەكىجاقتى بايلانىستاردى پارلامەنتارالىق ىنتىماقتاستىق تۇرعىسىندا كەڭەيتۋدى قولدايتىنىن ايتتى.
اڭگىمە بارىسىندا گۋمانيتارلىق بايلانىستاردى, مادەنيەت, ونەر جانە سپورت سالاسىنداعى ىنتىماقتاستىقتى دامىتۋدىڭ كەلەشەگى دە تالقىلاندى.
ق.توقاەۆ كەزدەسۋدى قورىتىندىلاي كەلىپ, سەربيا پرەزيدەنتىنىڭ استاناعا ساپارى ەكى مەملەكەتتىڭ وركەندەۋى جولىندا كوپتاراپتى ىنتىماقتاستىقتى جاڭا مازمۇنمەن تولىقتىرۋعا مۇمكىندىك بەرەتىنىنە سەنىم ءبىلدىردى.
