جيىن 12 مەن 15 جاستاعى بالالار ءۇشىن ۇيىمداستىرىلاتىن بولادى. لاگەردىڭ ءاربىر اۋىسىمى 10 كۇنگە سوزىلادى. جيىنعا گۆاردەيسك, اياگوز, ءۇشارال, سارىوزەك جانە پريوزەرسك گارنيزوندارىندا تۇراتىن بالالار قاتىسادى. بارلىعى بەس اۋىسىم ۇيىمداستىرۋ جوسپارلانۋدا.
«جاس سارباز» اسكەري-سپورت-
تىق جيىنى باعدارلاماسىندا مادەني-تىنىعۋ جانە سپورتتىق ءىس-شارالاردىڭ كەڭ ءتۇرى جوسپارلانعان. ولاردىڭ قاتارىندا الماتى شاھارىنىڭ كورىكتى جەرلەرىنە ساياحات جاساۋ, كونتسەرتتىك باعدارلامالاردى, ءارتۇرلى ويىن-ساۋىق بايقاۋلارىن وتكىزۋ, شەبەرلىك ساباقتارىن وتكىزە وتىرىپ, اوسك-ءنىڭ تانىمال وليمپيادالىق سپورتشىلارىمەن كەزدەسۋ دە بار.
بۇدان باسقا, بالالار ءۇشىن پانفيلوۆ كەنتىندەگى اوسك-ءنىڭ وقۋ-جاتتىعۋ ورتالىعىنا ءبىر كۇندىك ەكسكۋرسيا جوسپارلانعان. ول جەردە قورعانىس مينيسترلىگى ارمياشىلاردىڭ ورتالىق سپورت كلۋبىنىڭ بىلىكتى نۇسقاۋشىلارى كەدەرگىلەر جولاعىن ەڭسەرۋ, ءارتۇرلى سپورتتىق سناريادتارداعى جاتتىعۋلار تۇرىمەن تانىسادى. سونداي-اق, ارقان ساياباعىندا سكالودروم مەن پەينتبولداعى ساباقتار بويىنشا شەبەرلىك ساباقتارىن وتكىزەدى.
«ەگەمەن-اقپارات»
