اۋدان تۇرعىندارىنا مۇنداي مۇمكىندىكتى ۇسىنىپ وتىرعان – وسى ءوڭىر اۋماعىندا التىن وندىرۋمەن شۇعىلدانىپ جاتقان «باقىرشىق تاۋ كەن ءوندىرۋ كاسىپورنى». جاقىندا كاسىپورىن باسشىسى يۋ.وۆچيننيكوۆ اۋدان اكىمى نۇرلان سىدىقوۆقا «ەكسپو» كورمەسىنە دەمەۋشىلىك ماقساتتا بولiنگەن, 2 ميلليون تەڭگەدەن استام قارجىعا ساتىپ الىنعان, ارقايسىسى 6 مىڭ تەڭگە تۇراتىن 390 بيلەتتى سالتاناتتى تۇردە تابىس ەتتى. «كاسىپورىن ۇجىمىنا العىس ايتامىز. بۇل بيلەتتەر ەڭ الدىمەن, اۋدانداعى سوعىس جانە تىل ارداگەرلەرىنە, تۇرمىسى تومەن وتباسىلاردىڭ بالالارىنا جانە دارىندى وقۋشىلارعا بەرىلەتىن بولادى», دەگەن اۋدان اكىمى كورمەگە باراتىنداردىڭ جولى مەن ءجۇرىس-تۇرىسىنا قوسىمشا 14 مىڭ تەڭگەدەن بولىنەتىنىن جەتكىزدى.
رەتى كەلگەندە ايتا كەتەيىك, اۋدان تۇرعىندارى وسى ۋاقىتقا دەيىن ەكسپو كورمەسىنىڭ 1750 بيلەتىن ساتىپ الىپتى.
ازامات قاسىم,
«ەگەمەن قازاقستان»
شىعىس قازاقستان وبلىسى,
جارما اۋدانى
