حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن اشىمباەۆ جەتەكشىلىك ەتكەن وتىرىسقا ءماجىلىس دەپۋتاتتارى مەن مەملەكەتتىك ورگانداردىڭ, حالىقارالىق ۇيىمداردىڭ جانە قوعامدىق بىرلەستىكتەردىڭ وكىلدەرى قاتىستى.
اقپاراتقا قول جەتكىزۋ, «اشىق ۇكىمەتتى» ەنگىزۋ جانە «اقپاراتقا قول جەتكىزۋ تۋرالى» زاڭدى ىسكە اسىرۋ ماسەلەلەرى قارالىپ, تالقىلانعان باسقوسۋدا اقپارات جانە كوممۋنيكاتسيالار ءمينيسترى داۋرەن اباەۆ اتالعان باعىتتا اتقارىلىپ جاتقان جۇمىس جايىندا باياندادى. ول ءوز بايانداماسىندا بۇگىنگى تاڭدا مينيسترلىك مەملەكەتتىك ورگانداردى جانە حالىقتى تەحنيكالىق جانە اقپاراتتىق قولداۋ بويىنشا جۇمىس جۇرگىزىپ جاتقانىن اتاپ ءوتتى. ال باس پروكۋروردىڭ ورىنباسارى اندرەي كراۆچەنكو باس پروكۋراتۋرادا اقپاراتقا قول جەتكىزۋدى قامتاماسىز ەتۋدىڭ جاي-كۇيى تۋرالى حاباردار ەتتى.
سونىمەن قاتار, ەستونيانىڭ دەرەكتەردى قورعاۋ جونىندەگى مەملەكەتتىك ينسپەكتسياسىنىڭ باس ديرەكتورى ۆيليار پەەپ ەستونيانىڭ اقپاراتقا قول جەتكىزۋ تۋرالى زاڭناماسىنىڭ ساقتالۋىن تاۋەلسىز قاداعالاۋ جونىندەگى جۇمىس ناتيجەلەرىن ۇسىندى.
ورايى كەلگەندە ءسوز العان ۇكىمەتتىك ەمەس ۇيىمدارىنىڭ وكىلدەرى دوڭگەلەك ۇستەلگە قاتىسۋشىلاردىڭ نازارىن اقپاراتقا قول جەتكىزۋ بويىنشا پراكتيكالىق ەكسپەريمەنت ناتيجەلەرىنە اۋداردى. حالىقارالىق ىستەر, قورعانىس جانە قاۋىپسىزدىك كوميتەتىنىڭ دەپۋتاتتارى بولسا, «اقپاراتقا قول جەتكىزۋ تۋرالى» زاڭ ەلىمىزدى ودان ءارى دەموكراتيالاندىرۋ, ازاماتتىق قوعامدى قالىپتاستىرۋ مەن مەملەكەتتىك ورگاندار قىزمەتىنىڭ اشىقتىعىن قامتاماسىز ەتۋ ءۇشىن ماڭىزدى قۇجات بولىپ تابىلاتىندىعىنا توقتالدى.
جيىندى قورىتىندىلاعان كوميتەت توراعاسى م.اشىمباەۆ قارالىپ وتىرعان ماسەلەنىڭ جان-جاقتى ءارى ناقتى تالقىلانعانىن اتاپ ءوتىپ, «اقپاراتقا قول جەتكىزۋ تۋرالى» زاڭدى ىسكە اسىرۋ بويىنشا مەملەكەتتىك ورگانداردىڭ جۇمىسىندا بىرقاتار كەمشىلىكتەر بار ەكەندىگىن ەسكەرتتى. سوندىقتان دا سىندارلى ەسكەرتۋلەر مەن ۇسىنىستاردى مەملەكەتتىك ورگانداردىڭ ەسكەرۋى قاجەتتىگى ايتىلدى.
نۇرلىبەك دوسىباي,
«ەگەمەن قازاقستان»
