«جاستار ساياساتى دا جاستاردىڭ جات اعىمنىڭ جەتەگىندە كەتپەۋى ءۇشىن ءتۇرلى شارالار اتقارىپ جاتىر. ءبىز جاستاردىڭ الەۋمەتتەنۋىنە كوپ كوڭىل بولۋدەمىز. سەبەبى, قوعامنىڭ اراسىندا جۇرگەن جاستار ول ورتادا نە بولىپ جاتقانىن ءبىلىپ جۇرەدى, ءبىر-بىرىمەن اقپارات الماسادى, كوزى اشىق, كوكىرەگى وياۋ بولىپ قالىپتاسادى. ونى جۇزەگە اسىراتىن بىزدە 538 جاستار ۇيىمى بار. ولار قازاقستاننىڭ بارلىق وڭىرىندە ورنالاسقان. جاستاردىڭ الەۋمەتتەنۋى نە ءۇشىن كەرەك؟ ەڭ ءبىرىنشى ول ادامدى اداسۋدان ساقتايدى. ادام قاشان اداسادى. ول وڭاشا, جالعىز قالعاندا ءتۇرلى ويدىڭ سوڭىندا كەتەدى. سوندىقتان جاستاردىڭ مەيىلىنشە قوعاممەن بايلانىسۋىنا قولداۋ كورسەتۋ كەرەك», دەدى ول.
جيىن بارىسىندا مينيسترلىك وكىلدەرى دىندەردى زەرتتەۋ اسسوتساتسياسى دەگەن قوعامدىق بىرلەستىكپەن بىرگە تىعىز بايلانىس ورناتىپ, جۇيەلى جۇمىس جۇرگىزىپ جاتقاندارىن تىلگە تيەك ەتتى. سونىمەن قاتار, ولار ءدىني اقپاراتتىق جۇمىستاردى ىسكە اسىرۋدا اقپاراتتىق-اعارتۋشىلىق «Kazislam.kz» سايتىنىڭ ورنى ايرىقشا ەكەنىن العا تارتتى. اتالعان پورتالدا تۇرعىنداردىڭ ءدىني ساۋاتتىلىعىن ارتتىرۋ, ءداستۇرلى رۋحاني قۇندىلىقتاردى ناسيحاتتاۋ, ازاماتتاردىڭ بويىندا ءدىني راديكاليزم, ەكسترەميزم مەن تەرروريزم يدەيالارىنا قارسى يممۋنيتەت قالىپتاستىرۋ تاقىرىپتارىن قامتيتىن اقپاراتتىق ماتەريالدار تۇراقتى تۇردە جاريالانىپ وتىراتىنىن جەتكىزدى.
راۋان قايدار,
«ەگەمەن قازاقستان»
