– جول تاڭدامايتىن ماشينانىڭ ءالى دە جەتىلدىرەتىن تۇستارى بار. ونىڭ كەيىن قۋاتىن مولايتىپ, جۇك تيەيتىن قوراپ جاساۋىمىزعا بولادى, ال مىنا كۇيىندە ول اڭعا, بالىق اۋلاۋعا, تابيعات اياسىندا دەمالۋعا مىنۋگە جارايدى, – دەيدى نيكولاي ەۆگەنەۆيچ.
ونىڭ ايتۋىنشا, جول تاڭدامايتىن ماشينانى قۇراستىرۋ اسا قيىن شارۋا كورىنبەيدى. وعان ۆاز-2103, 2106, 2101 اۆتوموبيلدەرىنىڭ بولشەكتەرى نەگىز بولعان. شىنجىر تابانىنىڭ ىشىنە وسى ماشينالاردىڭ دوڭعالاقتارىن, الدىڭعى جاعىنا «جيگۋليدىڭ» ديسكسىن سالعان. كابيناسىنىڭ شىنىلارى ەسكى «نيۆادان», جۇرگىزۋ بولىكتەرىنىڭ بولشەكتەرى ۆاز ماشيناسىنان بۇيىرىپتى.
نيكولاي ەۆگەنەۆيچ جۇمىستان كەلگەن سوڭ, ءتۇرلى كىتاپتاردى اقتارادى, ينتەرنەتتەن ىزدەيدى, ودان قالدى, ازامات بولعان ەكى ۇلى دا اكەسىنىڭ وسى تالپىنىسىنا دەمەۋ بولادى.
– اكەم ۇيدە قاراپ وتىرعان ەمەس. قورا-قوپسىداعى ەڭبەكتى قالاي جەڭىلدەتۋدى ويلايدى دا جۇرەدى. ءبىز قازىر كارتوپتى اكەمنىڭ قولدان قۇراستىرعان قۇرىلعىسىن پايدالانىپ, تۇقىمدى تراكتورمەن ءبىر مەزگىلدە جەرگە ءسىڭىرىپ شىعامىز, – دەيدى نيكولاي ەۆگەنە-
ءۆيچتىڭ كىشى ۇلى نيكولاي.
اكەلى-بالالى بەزبابنىيلار قۇراستىرعان تەحنيكاسىن ناۋرىز ايىنىڭ اياعىندا «سىناقتان» وتكىزىپتى. اۋىل سىرتىنا شىعىپ, قار ۇيىلگەن جولدارعا سالعان.
– ەشقانداي كىدىرىسسىز جەڭىل وتتىك, راسىندا, اكەم قۇراستىرعان ماشيناعا قانداي جول بولسا دا ءبارىبىر ەكەنىن كوردىك. ەندى, كابيناسىن سۋ كىرمەيتىندەي, شۋ وتپەيتىندەي ەتىپ جەتىلدىرۋ, سىرتىن بوياپ, ارلەۋ, مودەلگە ات بەرۋ سەكىلدى جۇمىستارى قالدى, – دەيدى كىشى نيكولاي بەزبابنىي.
ۇلكەن نيكولاي بەزبابنىي مۇنىمەن توقتامايتىنىن ايتتى. ول «اۋىلداستاردىڭ ەڭبەگىن جەڭىلدەتەتىن تاعى نە ويلاپ تابۋعا بولادى؟» دەگەن ويدىڭ جەتەگىندە ءجۇر.
ءنازيرا جارىمبەتوۆا,
«ەگەمەن قازاقستان»
قوستاناي وبلىسى,
فەدوروۆ اۋدانى,
شاڭداق اۋىلى
