ءوڭىر جاڭالىقتارى

5547-ءشى اسكەري ءبولىمى اشىلدى وتكەن سارسەنبىدە قىزىلوردا قا­لاسىنىڭ ورتالىق الاڭىندا ىشكى ءىس­تەر مينيسترلىگى ىشكى اسكەرلەرىنىڭ 5547-ءشى اسكەري ءبولىمىنىڭ اشىلۋ سال­تا­ناتى بولىپ, جاۋىنگەرلىك تۋ تاپسى­رىلدى. وعان وبلىس اكىمى بو­لات­بەك قۋان­دىقوۆ پەن ىشكى ىستەر مي­نيسترى­نىڭ ورىنباسارى, گەنەرال-ماي­ور امان­­­تاي كۇرەڭباەۆ قاتى­سىپ, سار­باز­­دارعا جۇرەكجاردى لە­بىزدەرىن جەتكىزدى. الەم ەلدەرىندەگى لاڭكەستىك پەن ەكسترەميزمنىڭ وسۋىنە بايلانىستى ىشكى اسكەرلەردىڭ 5547-ءشى اسكەري بولىمىنە قاۋىپتى قىلمىستاردىڭ, ديۆەرسيالاردىڭ, لاڭكەستىك اكتى­لەر­دىڭ جانە قارۋلى قاقتىعىستاردىڭ الدىن الۋ مىندەتتەرى جۇكتەلگەن. وتكەن جىلدىڭ جەلتوقسان ايى­نان بەرى اسكەري بولىمگە ەلىمىزدىڭ باسقا ايماقتارىنان دا جاۋىن­گەرلىك بورىشتارىن وتەۋ ءۇشىن ازاماتتار كەلگەن. ولار قالاداعى قوعامدىق ءتار­تىپتى قامتاماسىز ەتۋ باعىتىن­داعى قىزمەتتەرىنە كىرىسىپ تە كەتتى. سونداي-اق, اسكەري جاساق­تار ىشكى ىستەر دەپارتامەنتى قىز­مەت­كەرلە­رى­مەن بىرگە وبلىس ورتالىعىندا پا­ترۋل­دىك بەكەتتەر قىزمەتتەرىن دە ۇيىمداستىرۋدا. ەركىن ءابىل, قىزىلوردا. جاڭا جوباعا تياناقتى دايىندىق ەلىمىزدىڭ ءبىلىم سالاسىندا 2001 جىلدان باستاپ ء“وزىن ءوزى تانۋ” جوباسى تاجىريبەدەن وتكىزىلىپ كەلە جاتقانى بەلگىلى. مەكتەپكە دەيىنگى مەكەمەلەردەن باستاپ جوعارعى وقۋ ورىندارىنا دەيىنگى جاستاعى بالالاردى وزگەلەرگە ەلىكپەۋگە, ءوزىنىڭ تالانتىن, مۇمكىندىكتەرىن جەتىلدىرۋگە, ءوز ىسىنە, ارەكەتىنە جاۋاپكەرشىلىكتى سەزىنۋگە, ءوزىن قورشاعان ورتامەن ۇيلەسىمدى ءومىر سۇرۋگە, قوعامعا پايدا كەلتىرۋگە, ءوزىن-ءوزى جەتىلدىرۋگە تاربيەلەيتىن بۇل جوبا كەلەسى وقۋ جىلىنان باستاپ ءبىلىم جۇيەسىندە ارنايى ءپان رەتىندە جۇرگىزىلەتىن بولادى. اقتوبە وبلىستىق بالالار قۇقىقتارىن قورعاۋ دەپارتامەنتى مەن وبلىستىق كادرلار بىلىكتىلىگىن ارتتىرۋ جانە قايتا دايارلاۋ ينستيتۋتى بىرىگىپ وتكىزگەن بريفينگتە كەلتىرىلگەن دەرەكتەر بويىنشا, بۇل جوبانى تاجىريبەدەن وتكىزۋ ءتورت بالاباقشادا, ءبىر بالالار ۇيىندە, ون مەكتەپتە, ەكى جوعارى وقۋ ورنىندا جۇرگىزىلىپ وتىرعان كورىنەدى. ولاردا وسى ءپاندى 1864 بالا وقيدى ەكەن. ء“وزىن ءوزى تانۋ” جوباسى تاجىريبەسىنەن ەكى كىتاپشا, ءتورت بۇكتەمە شىعارىلىپتى. قازىردىڭ وزىندە 604 مۇعالىم ء“وزىن ءوزى تانۋ” ءپانى بويىنشا قايتا دايارلىقتان ءوتىپتى. بۇل جوبانىڭ ءمانىن ءتۇسىندىرۋ ماقساتىندا وبلىستىق تەلەديداردان ەكى اپتادا ءبىر رەت شىعاتىن تەلەجۋرنال ۇيىمداستىرىلىپتى. جالپى, وبلىستىڭ ءبىلىم سالاسىندا بۇل جوبانى جەكە ءپان رەتىندە جۇرگىزۋگە دايىندىق جاقسى. ساتىبالدى ءساۋىرباي, اقتوبە وبلىسى. “نۇرلى كوش” نۇرىن شاشا باستادى 2009-2011 جىلدارعا ارنالعان “نۇرلى كوش” باعدارلاماسى ءارتۇرلى جاعدايمەن ەلىنەن جىراقتا جۇرگەن قانداستارىمىزدىڭ ءوز وتانىندا ىرگە كوتەرۋىنە جانە ەلىمىزدىڭ ءال-اۋقاتى تومەن اۋداندارىنداعى قازاقستان ازاماتتارىنىڭ الەۋمەتتىك جاعدايىن جاق­سارتۋعا باعىتتالعان. وتكەن جىلى “نۇرلى كوش” باعدارلاماسى اياسىندا ءۇش ايماقتا, وڭتۇستىك قازاقستان, شىعىس قازاقستان وب­لىسىنىڭ كۋرچاتوۆ قالاسىندا جانە اقمولا وبلىسىنا قاراستى كوكشەتاۋ قالاسىنىڭ كراسنىي-يار اۋىلىندا باعدارلامانىڭ تۇساۋكەسەر جوباسى جۇزەگە اسىرىلعان بو­لاتىن. پيلوتتىق جوباعا قاتىسۋشىلار ءۇي سالىنىپ جاتقان كەزەڭدە, 5,5 جىلدىڭ ىشىندە دەپوزيتتە پاتەر قۇنىنىڭ 50 پايىزىن جيناقتاۋ ماقساتىندا بانكپەن كەلىسىم-شارت جاساسىپ, شوتقا اقشالارىن سالا باستايدى. ولاردىڭ سالىمىنا ادەتتەگىدەي جىل سايىنعى بانك پايىزدارى (2%) مەن مەملەكەت سىياقىسى قوسىلىپ وتىرادى. باسپانا قۇرىلىسى اياقتالعاننان سوڭ جوباعا قاتىسۋشى ءۇيدى جالعا الادى. قاجەتتى قارجىنىڭ العاشقى بولىگىن جيناعاننان كەيىن بانكتەن ەكىنشى جارتىسىن 10 جىلعا 4,5 پايىزدىق جىلدىق مولشەرمەن الىپ, تۇرىپ جاتقان ءۇيىن ساتىپ الۋ مۇمكىندىگى بار. اتالعان جوبا اياسىندا قازىردە تۇرعىن ءۇي- قۇرىلىس جيناق بانكى جەرگىلىكتى اكىمدىكپەن, الەۋمەتتىك-كاسىپكەرلىك كورپوراتسيالارمەن ىنتىماقتاسا جۇمىس ىستەۋدە . وتكەن جىلعى مالىمەت بويىنشا وڭتۇستىك قازاقستان وبلىسىندا اتالعان باعدارلاماعا قاتىسۋعا 650 ادام ءوتىنىش بەرسە, ونىڭ 465-ءى بانك سالىمشىسى اتاندى. جوبانىڭ اياسىندا 239 تۇرعىن ءۇي سالىنىپ, ونىڭ 138-ءى پايدالانۋعا بەرىلدى. ال شىعىس قازاقستان جانە اقمولا وبلىستارىندا اتالعان جوبا شەڭبەرىندە سالىناتىن ۇيلەردىڭ قۇرىلىسى ءجۇرىپ جاتىر. “ەگەمەن-اقپارات”.