ەلباسى اتىراۋلىقتاردى ماقتادى

قازاقستان پرەزيدەنتى نۇرسۇلتان نازارباەۆ قاشاعاننىڭ رەسمي تانىستىرىلىمى كەزىندە دونالد ترامپپەن نە جايلى اڭگىمەلەسكەنىن ايتتى, - دەپ حابارلايدى Tengrinews.kz. "وزدەرىڭىز بىلەسىزدەر, تاياۋدا جاڭادان اقش-تىڭ پرەزيدەنتى بولىپ سايلانعان ترامپپەن سويلەستىم. ءوزىمىزدى ماقتاماي-اق قويايىق... ول جاڭا ادام, بىراق وعان ءبىزدىڭ مۇنايشىلار مالىمەت بەرگەن بولۋى كەرەك. ول "سىزدەر قازاقستاندا عاجايىپ جاسادىڭىزدار" دەدى. مۇنى مەن ەمەس, ترامپ ايتتى. بۇل جەتىستىكتىڭ ۇلى تاريحى", - دەدى مەملەكەت باسشىسى. ەلباسى وسى جىلدارى مىقتى مەملەكەت قۇرىلعانىن اتاپ ءوتتى. "وزدەرىڭىز كورىپ وتىرسىزدار, مەندە جۇمىس كەستەسى وتە تىعىز. سوعان قاراماستان, اشىلعانىمىز تۋرالى بۇكىل الەمگە جار سالۋ ءۇشىن كەلدىم. كەيبىرەۋلەر "بۇل مۇناي باعاسىنا اسەر ەتە مە؟" دەپ سۇراپ جاتىر. كەلە-كەلە كورە جاتارمىز. قازىر بيۋدجەتتى باررەلىنە 30-40 دوللار اياسىندا بولعان جاعدايعا قۇرىپ وتىرمىز", - دەدى قازاقستان پرەزيدەنتى. سونىمەن قاتار, ەلباسى اتىراۋ تۇرعىندارىنىڭ جەتىستىكتەرىنە جوعارى باعا بەردى. "قازىر اتىراۋلىقتار مۇلدەم باسقا ادامدار, شەتەلدىك فيرمالاردا جۇمىس ىستەيتىن ينجەنەرلەرمەن بىرگە قىزمەت ەتەتىن, كۇردەلى وندىرىستەردى ىستەيتىن, شەت تىلدەرىن بىلەتىن مىقتى ماماندار, وسىنداي ادامدار ەلدى دامىتادى", - دەدى ول.