ۇوك تۋرالى سۋرەت بايقاۋى قورىتىندىلانادى

2016 جىلدىڭ 8 جەلتوقسانىندا, ساعات 16.00-دە قازاقستان رەسپۋبليكاسى تۇڭعىش پرەزيدەنتىنىڭ مۋزەيىندە ۇلتتىق وليمپيادا كوميتەتىنىڭ 25-جىلدىعىنا ارنالعان سۋرەتشىلەر اراسىندا وتكىزىلگەن بايقاۋدىڭ قورىتىندىسى شىعارىلادى. بايقاۋ 7 اي بويى جالعاسىپ, ەلىمىزدىڭ كاسىبي سۋرەتشىلەرىنىڭ 20 استام جۇمىستارىن جينادى. بايقاۋدىڭ شارتى بويىنشا كەسكىندەمەدە ءوليمپيزمنىڭ يدەولوگياسىن ايقىنداپ, قازاقستاندىق سپورتتىڭ  25 جىلدا جەتكەن جەتىستىكتەرىن كورسەتۋ قاجەت بولدى. جالپى جۇلدە قورى - 10 ملن تەڭگە. ونىڭ ىشىندە 1-ءشى ورىن ءۇشىن 5 ملن, 2-ءشى ورىنعا 3 ملن, 3-ءشى ورىن 1 ملن. تەنگە الادى. ساراپشىلار كوميسسياسىنىڭ قۇرامىنا قازاقستان رەسپۋبليكاسىنىڭ ۇلتتىق وليمپيادا كوميتەتىنىڭ  باس حاتشىسى دانيار ابۋلگازين, كوركەمدىك سىنشى ارداق يۋسۋپوۆا, قازاقستاننىڭ سۋرەتشىلەر وداعىنىڭ مۇشەسى سەيسەنحان ماحامبەتوۆ جانە وليمپيادا چەمپيونى سەرىك ساپيەۆ كىرگەن. الەمدىك سپورتتىق جەتىستىكتەر – بۇل مەملەكەتتى دۇنيەجۇزىنە تانىتاتىن, حالىق اراسىندا ءپاتريوتيزمدى دامىتاتىن فاكتورلاردىڭ ءبىرى بولىپ تابىلادى. وليمپيادالىق جەتىستىكتەر ادامداردى جىگەرلەندىرىپ, جۇرەكتەرىنە ماقتانىش سەزىمىن ۇيالاتادى. ۇلتتىق تۋىمىز كوككە كوتەرىلىپ, مەملەكەتتىك ءانۇران ورىندالعان كەزدە قازاقستاننىڭ ءار ازاماتى ءوز وتانىمەن جانە وتانداستارىمەن ماقتانادى.