«استانا» حالىقارالىق قارجى ورتالىعىنىڭ دەلەگاتسياسى ءىس-ساپارمەن بىرىككەن اراب امىرلىكتەرىنە, كاتار مەملەكەتىنە جانە باحرەين كورولدىگىنە باردى.
4-6 جەلتوقسان ارالىعىندا احقو دەلەگاتسياسى حالىقارالىق قارجى ورتالىقتارىنىڭ وزىق تاجىريبەلەرىن زەردەلەۋ جانە ولارمەن ىنتىماقتاستىقتى نىعايتۋ ماقساتىندا بىرىككەن اراب امىرلىكتەرىنە, كاتار مەملەكەتىنە جانە باحرەين كورولدىگىنە ساپار جاسادى. ءباا-گە ساپار بارىسىندا دۋباي قالاسىنداعى قر ەلشىلىگى مەن باس كونسۋلدىعىنىڭ جاردەمدەسۋىمەن «دۋباي» حالىقارالىق قارجى ورتالىعىنىڭ (DIFC) باسقارۋشىسى يسسا كازيممەن, دۋباي قالاسىنىڭ ەكونوميكالىق دامۋ دەپارتامەنتىنىڭ باس ديرەكتورى سامي ال-كامزيمەن, دۋباي قالاسىنىڭ تۋريزم جانە كوممەرتسيالىق ماركەتينگ دەپارتامەنتىنىڭ باس ديرەكتورى حيليال سايد ال-مارريمەن, يسلام ەكونوميكاسىن دامىتۋدىڭ دۋباي ورتالىعىنىڭ باس اتقارۋشى ديرەكتورى ابدۋللا موحامماد ال-اۋاارمەن جانە «Smart Dubai Office» باس ديرەكتورى دوكتور ايشا بين بيشرمەن كەزدەسۋلەر جانە كەلىسسوزدەر وتكىزىلدى.
بۇدان باسقا, دەلەگاتسيا احقو قاتىسۋشىلارىنا ەڭبەك ۆيزالارىن راسىمدەۋ بارىسىندا «ءبىر تەرەزە» قاعيداتى بويىنشا جۇمىستى ۇيىمداستىرۋ جونىندەگى ماسەلەلەردى زەردەلەۋ ءۇشىن DIFC-ءدىڭ بىرىڭعاي ۆيزا ورتالىعىندا بولدى.
دوحا قالاسىنا ساپار بارىسىندا كاتار مەملەكەتىندەگى جەتەكشى قارجى ينستيتۋتتارىمەن قر ەلشىلىگى ۇيىمداستىرعان كەلىسسوزدەر ءوتتى. ورتالىق بانكتىڭ توراعاسى شەيح ابداللا بەن ساۋدوم ال تاني, كاتار قارجى ورتالىعىنىڭ باس ديرەكتورى مايكل رايان, قارجى نارىعىن رەتتەۋشىنىڭ باس اتقارۋشى ديرەكتورى ناسسەر احماد ال-شايبي, «Masraf al Rayan Group» بانكتەر توبىنىڭ باس اتقارۋشى ديرەكتورى ادەل مۋستاۋفۋي جانە باسقالارمەن كەزدەسۋلەر شەڭبەرىندە احقو دەلەگاتسياسى كاتارلىق تاراپتى قر پرەزيدەنتى ن.ءا. نازارباەۆتىڭ باستاماسىمەن قۇرىلعان قارجى ورتالىعىنىڭ قالىپتاسۋ بارىسىمەن تانىستىردى.
كاتاردىڭ قارجى جانە بانك ۇيىمدارى ءوز كەزەگىندە كاپيتال نارىعى, يسلامدىق قارجى, اكتيۆتەر مەن داۋلەتتى تۇلعالاردىڭ ءال-اۋقاتىن باسقارۋ سالاسىندا احقو قىزمەتىنە قاتىسۋعا قىزىعۋشىلىق تانىتتى.
احقو دەلەگاتسياسى سونداي-اق كاتاردىڭ قور بيرجاسىندا بولىپ, باس اتقارۋشى ديرەكتور راشيد بەن الي ال مانسۋريمەن كەزدەستى. «World Innovation Summit for Education» باسقارماسىنىڭ توراعاسى ستاۆروس ياننوۋكپەن جانە «Qatar Investment Authority» كاتار ينۆەستيتسيالىق قورىنىڭ بيزنەستى دامىتۋ ديرەكتورى شەيح ابدۋلازيز بەن الي ال تانيمەن مازمۇندى كەلىسسوزدەر ءوتتى.
باحرەين مەملەكەتىندە احقو دەلەگاتسياسى 20 جىلدان بەرى يسلامدىق بانكينگ پەن قارجى سالاسى كوشباسشىلارىنىڭ كەزدەسۋلەرىنە ارنالعان ءىرى الاڭ بولىپ سانالاتىن دۇنيەجۇزىلىك يسلامدىق بانك كونفەرەنتسياسىنىڭ (WIBC 2016) جۇمىسىنا قاتىستى.
اتالعان ءىس-شارانىڭ اياسىندا باحرەين ورتالىق بانكىنىڭ توراعاسى راشيد ال-مارادجبەن, يسلامدىق قارجى مەكەمەلەرىنىڭ بۋحگالتەرلىك ەسەپ پەن اۋديت جونىندەگى ۇيىمى (AAOIFI) باس حاتشىسىنىڭ ورىنباسارى ومار مۋستافا انساريمەن, حالىقارالىق يسلامدىق قارجى نارىعىنىڭ(IIFM) باس اتقارۋشى ديرەكتورى يدجلال الۆيمەن, باحرەيننىڭ بانك ءىسى مەن قارجى ينستيتۋتىنىڭ (BIBF) ديرەكتورى احمەد ال-شايحپەن كەزدەسۋلەر وتكىزىلدى. قول جەتكىزىلگەن ۋاعدالاسۋشىلىقتاردىڭ قورىتىندىسى بويىنشا BIBF-پەن ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويىلدى.
قول قويىلعان مەموراندۋمنىڭ نەگىزىندە ادام كاپيتالىن دامىتۋ سالاسى جانە وزىق تاجىريبە مەن بىلىممەن الماسۋ بويىنشا ىنتىماقتاستىق جاساۋ مۇمكىن بولادى.
