ج.اسانوۆ: راقىمشىلىق قوعام قاۋىپسىزدىگىنە كەرى اسەرىن تيگىزبەيدى

قازاقستاندىقتار ءومىرىنىڭ قاۋىپسىزدىگى جىل سايىن جاقسارىپ كەلەدى. بۇل تۋرالى پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسى تاۋەلسىزدىگىنىڭ 25 جىلدىعىنا بايلانىستى راقىمشىلىق جاساۋ تۋرالى» قر زاڭىنىڭ جوباسى بويىنشا بايانداما جاساعان قر باس پروكۋرورى جاقىپ اسانوۆ مالىمدەدى. «بۇگىندە بارلىق اقپارات اشىق. ونى الۋ دا, تاراتۋ دا قيىن ەمەس. ءاربىر قىلمىس ينتەرنەت ارقىلى دەرەۋ تاراپ, بۇكىل ەل تالقىلاپ جاتادى. ال بۇرىن ءبارى باسقاشا بولاتىن. اقپارات قۇرالدارى تەك جاعىمدى اقپارات بەرەتىن. ءبىر سوزبەن ايتقاندا, قازاقستاندىقتار ءومىرىنىڭ قاۋىپسىزدىگى جىل سايىن جاقسارىپ كەلەدى»,-دەپ اتاپ ءوتتى باس پروكۋرور. ول سونداي-اق, راقىمشىلىقتىڭ قىلمىستىق احۋالعا اسەرى جونىندە دە ايتىپ ءوتتى. «بۇل راقىمشىلىق قوعام قاۋىپسىزدىگىنە, قىلمىستىق احۋالعا كەرى اسەرىن تيگىزبەيدى. سەبەبى, ول قاۋىپ توندىرمەيتىندەردى, الەۋمەتتىك السىزدەردى عانا جازادان بوساتادى», - ج.اسانوۆ.