ەكسپو-نىڭ قۇلاعان نىسانى بويىنشا ساراپتاما قورىتىندىسى شىقتى

16 قاراشا كۇنى س1 جانە س2 پاۆيلوندارىنىڭ اراسىنداعى دەكوراتيۆتىك كونسترۋكتسيانىڭ قۇلاعاندىعى بەلگىلى. قۇرىلىم تەك دەكوراتيۆتى بولعاندىقتان, ەشقانداي فۋنكتسيونالدىق قىزمەتتى اتقارمادى. قوسىلعان پاۆيلوندارعا ەشقانداي زيان كەلتىرىلمەگەن, دەپ حابارلايدى "استانا "ەكسپو-2017" ۇلتتىق كومپانياسىنىڭ ءباسپاسوز قىزمەتى. «استانا ەكسپو-2017» ۇلتتىق كومپانياسىنىڭ باسقارما توراعاسىنىڭ ورىنباسارى ۆ.ليۋتوۆتىڭ باسقارۋىمەن ارنايى كوميسسيا قۇرىلدى. كوميسسيا بۇزىلۋ سەبەبىن انىقتاۋ ءۇشىن تاۋەلسىز ساراپشى كومپانيالار «كازنيسا» مەن «كازمير» تارتىلدى. بۇگىن ءبىز ساراپشىلاردىڭ زەرتتەۋ ناتيجەلەرى بەلگىلى بولدى. ولار قۇرىلىس بارىسىندا پايدالانىلعان ماتەريالداردىڭ ءاناليزىن جاسادى, دەكوراتيۆتىك كونسترۋكتسيانىڭ قۇرىلىسى مەن جوبالىق جۇمىستار زەرتتەلدى. ناتيجەسىندە كوميسسيا كونسترۋكتسيانىڭ قۇلاۋىنا جوبالىق كەمشىلىكتەر سەبەپ بولدى دەگەن شەشىمگە كەلدى. اتاپ ايتساق, ماسەلە ءدال وسى دەكوراتيۆتىك كونسترۋكتسيانىڭ جوبالاۋىندا قاتەلەر كەتكەن. بۇل تەك وسى قۇرىلىم كونسترۋكتسياسىنىڭ جوبالاۋىندا كەتكەن قاتەلىكتەر. جوبالاۋدى جۇزەگە اسىرعان سۋبمەردىگەر كومپانيا – «ەمك» جشس (ديرەكتورى ۆاينشتەين م.م.) كورمە كەشەنىن تاپسىرىس بەرۋشى قابىلداپ الماعاندىقتان دەكوراتيۆتىك كونسترۋكتسيانىڭ بارلىق شىعىنىن مەردىگەر كومپانيا - BI GROUP پەن جوبالاۋشى كومپانيا كوتەرەدى. جالپى, كورمە كەشەنىندە مۇنداي 8 دەكاراتيۆتى كونسترۋكتسيا بار. 16 قاراشا كۇنى بولعان وقيعادان كەيىن ولاردىڭ بارلىعى مۇقيات تەكسەرىستەن ءوتتى. قۇرىلىس نە جوبالىق اقاۋلار تابىلمادى. دەسە دە, كونستۋركتسيالاردى كۇشەيتۋ باعىتىندا قوسىمشا جۇمىستار جاساۋ بويىنشا شەشىم قابىلداندى.