حالىقارالىق كومپانيا قر پرەمەر-ليگا ۇزدىكتەرىن اتادى

حالىقارالىق Instat كومپانياسىنىڭ سارالاۋ جۇمىستارى ناتيجەسىندە قازاقستان پرەمەر-ليگاسىنىڭ ۇزدىك فۋتبولشىسى روحەر كانياس بولدى, دەپ حابارلادى "استانا" فۋتبول كلۋبىنىڭ ءباسپاسوز قىزمەتى. ماۋسىم بويىندا وتكىزگەن ويىندارداعى بارلىق جەكە كورسەتكىشتەردىڭ جوعارى بولۋى «استانانىڭ» كولۋمبيالىق جارتىلاي قورعاۋشىسىنا ىقپالىن تيگىزدى. ونىڭ ورتاشا يندەكسى 220-عا تەڭ. چەمپيوناتتا 31 ماتچ (2897 مينۋت الاڭدا) وتكىزىپ, 1 گول جانە 1 اسسيست جاساي العان. جالپى كولۋمبيالىق لەگيونەر قاقپانى 36 رەت كوزدەپ, ونىڭ ىشىندە 9 سوققىسى قاقپاعا تۋرا باعىتتالدى. ءوزى 40 رەت ءتارتىپ بۇزسا, وعان قارسى 48 رەت دورەكى وينالعان. 26 جاستاعى روحەر كانياس 90 مينۋت ويىندا 68(60 ءدال پاس) پاس بەرىپ ۇلگەرەدى. بۇل رەيتينگتە ەكىنشى ورىندا دميتري شومكو تۇر. «استانا» قورعاۋشىسىنىڭ دا ورتاشا يندەكسى 220-عا تەڭ. ول 29 ويىندا (2686 مينۋت) ءبىر گول سوعىپ, گولمەن اياقتالعان 8 پاس شىعاردى. ءۇشىنشى ورىندا 218 ورتاشا يندەكسىمەن «قايراتتىڭ» ۇزدىگى باۋىرجان يسلامحان. ول پرەمەر-ليگادا 31 ماتچ (2788 مينۋت) وتكىزىپ, 17 گول سالىپ, گولمەن اياقتالعان 10 پاس شىعارعان. ەل قۇراماسىنىڭ ۇزدىك ويىنشىلارىنىڭ ءبىرى قاقپانى 85(40 سوققى تۋرا) رەت كوزدەگەن. ورتاشا كورسەتكىشپەن باۋىرجان يسلامحان 90 مينۋتتا 75 پاس بەرىپ, ونىڭ ىشىندە 66 پاس ارىپتەستەرىنە ءدال جەتكىزىلدى.