سولتۇستىكتىڭ ەنەرگياسى شىعىس پەن وڭتۇستىك وڭىرلەرگە جەتكىزىلەدى

قازاقستاندا جوعارىۆولتتىق ەلەكتر جەتكىزەتىن جاڭا جەلىلەر ىسكە قوسىلدى. ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا ەنەرگەتيكا مينيسترلىگىنىڭ ەلەكتر ەنەرگەتيكاسى دەپارتامەنتىنىڭ ديرەكتورى باۋىرجان سارسەنوۆ جاڭا ەلەكتر جەلىلەرىنىڭ قۇرىلىس جۇمىستارى, قىزمەتى مەن ماڭىزى جونىندە اڭگىمەلەدى. ونىڭ ايتۋىنشا, «KEGOC» اكتسيونەرلىك قوعامى جاڭا جەلىلەردى «سولتۇستىك-شىعىس-وڭتۇستىك 500 كۆ ءاج سالۋ» ءىرى اۋقىمدى ينۆەستيتسيالىق جوباسىنىڭ ءبىرىنشى كەزەڭى شەڭبەرىندە سالىپ شىققان. «500 كۆ جانە 220 كۆ ەلەكتر جەتكىزەتىن 700 شاقىرىم جەلىلەر, سونداي-اق 500 كۆ «سەمەي», 500 كۆ «وسكەمەن» جانە 1150 كۆ «ەكىباستۇز» قوسالقى ستانتسيالارى سولتۇستىكتە وندىرىلەتىن ەلەكتر ەنەرگياسىن قازاقستاننىڭ شىعىس وڭىرلەرىنە جەتكىزەتەتىن بولادى», – دەدى دەپارتامەنت ديرەكتورى. ول سونداي-اق جوبانىڭ ەل ەكونوميكاسىن دامىتۋ ءۇشىن اسا ماڭىزدى ەكەنىن اتاپ ءوتتى. «شىعىس قازاقستان وبلىسىنىڭ تۇتىنۋشىلارى وسى ۋاقىتقا دەيىن قولدانىپ كەلگەن رەسەي بەج جەلىلەرى ارقىلى وتەتىن جانە ءوڭىردى ەنەرگيا جۇيەسىمەن جالعايتىن جەلىلەرگە قاراماستان جاڭا جەلىلەر ارقىلى ەلەكتر ەنەرگياسىمەن قامتاماسىز ەتەتىلەتىن بولادى. بۇل ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋ جاعىنان كەلگەندە وتە ماڭىزدى», – دەدى ب. سارسەنوۆ. ايدار ورىسباەۆ, «ەگەمەن قازاقستان»