بانكتەردىڭ ەكونوميكانى نەسيەلەندىرۋ كولەمى كوبەيدى

بانكتەردىڭ ەكونوميكانى كرەديتتەۋىنىڭ كولەمى 2016 جىلعى قازاندا 0,7%-عا ارتتى جانە 12 770,0 ملرد. تەڭگەنى قۇرادى. ۇلتتىق ۆاليۋتامەن كرەديتتەر كولەمى 8 543,9 ملرد. تەڭگەگە دەيىن 1,5%-عا ۇلعايدى, شەتەل ۆاليۋتاسىمەن 4 226,2 ملرد. تەڭگەگە دەيىن 0,9%-عا تومەندەدى. تەڭگەمەن كرەديتتەردىڭ ۇلەس سالماعى ءبىر ايدا 66,4%-دان 66,9%-عا دەيىن ۇلعايدى, دەپ حابارلايدى ۇلتتىق بانك. 2016 جىلعى قازاننىڭ سوڭىندا ۇزاقمەرزىمدى كرەديتتەر كولەمى 10 535,3 ملرد. تەڭگەگە دەيىن 0,6%-عا ۇلعايدى, قىسقامەرزىمدى – 2 234,7 ملرد. تەڭگەگە دەيىن 0,8%-عا ۇلعايدى. 2016 جىلعى قازاندا ۇزاقمەرزىمدى كرەديتتەردىڭ ۇلەس سالماعى 2015 جىلعى جەلتوقسانمەن سالىستىرعاندا تومەندەدى جانە 82,5%-دى قۇرادى (2015 جىلعى جەلتوقساندا - 83,0%). زاڭدى تۇلعالارعا كرەديتتەر كولەمى 2016 جىلعى قازاندا 8 718,6 ملرد. تەڭگەگە دەيىن 1,1%-عا ارتتى, جەكە تۇلعالارعا 4 051,5 ملرد. تەڭگەگە دەيىن 0,3%-عا تومەندەدى. 2016 جىلعى قازاندا جەكە تۇلعالارعا كرەديتتەردىڭ ۇلەس سالماعى 2015 جىلعى جەلتوقسانمەن سالىستىرعاندا 32,9%-دان 31,7%-عا دەيىن تومەندەدى. شاعىن كاسىپكەرلىك سۋبەكتىلەرىن كرەديتتەۋ 2016 جىلعى قازاندا 2 898,2 ملرد. تەڭگەگە دەيىن 3,6%-عا ارتتى (جىل باسىنان 40,7%-عا), بۇل ەكونوميكاعا كرەديتتەردىڭ جالپى كولەمىنەن 22,7% قۇرايدى (2015 جىلعى جەلتوقساندا - 16,3%). سالالار بويىنشا بانكتەردىڭ ەكونوميكاعا كرەديتتەرىنىڭ بارىنشا ايتارلىقتاي سوماسى ساۋدا (جالپى كولەمدەگى ۇلەسى – 21,3%), ونەركاسىپ (13,7%), قۇرىلىس (8,0%), اۋىل شارۋاشىلىعى (5,4%) جانە كولىك (4,2%) سياقتى سالالارعا تيەسىلى. 2016 جىلعى قازاندا بانكتىك ەمەس زاڭدى تۇلعالارعا ۇلتتىق ۆاليۋتامەن بەرىلگەن كرەديتتەر بويىنشا سىياقىنىڭ ورتاشا الىنعان مولشەرلەمەسى 15,8% (2015 جىلعى جەلتوقساندا – 16,0%), جەكە تۇلعالارعا 19,2% (17,3%) بولدى.