2016 جىلى قازاقستاندىقتاردىڭ دەپوزيتتەرى ۇلعايدى

رەزيدەنتتەردىڭ دەپوزيتتىك ۇيىمدارداعى دەپوزيتتەرىنىڭ جالپى كولەمى 2016 جىلعى قازاندا 0,7%-عا ءوستى, دەپ حابارلايدى ۇلتتىق بانك. زاڭدى تۇلعالاردىڭ دەپوزيتتەرى ازداپ تومەندەدى جانە 10 423,6 ملرد. تەڭگە (جىل باسىنان بەرى ءوسىم 13,6%) بولدى, جەكە تۇلعالاردىڭ دەپوزيتتەرى 7 330,5 ملرد. تەڭگەگە دەيىن 1,8%-عا ءوستى (جىل باسىنان بەرى 7,9%-عا ءوستى). ءبىر ايدا ۇلتتىق ۆاليۋتاداعى دەپوزيتتەر 6,8%-عا 7 857,8 ملرد. تەڭگەگە دەيىن (زاڭدى تۇلعالاردىكى – 6,7%-عا, جەكە تۇلعالاردىكى – 7,1%-عا ءوستى) ءوستى, شەتەل ۆاليۋتاسىنداعى – 3,6%- عا 9 896,3 ملرد. تەڭگەگە دەيىن (زاڭدى تۇلعالاردىكى – 1,3%-عا, جەكە تۇلعالاردىكى – 0,9%-عا) تومەندەدى. تەڭگەمەن دەپوزيتتەردىڭ ۇلەس سالماعى ءبىر ايدا 41,7%-دان 44,3%-عا دەيىن ۇلعايدى. جەكە تۇلعالاردىڭ تەڭگەمەن دەپوزيتتەرىنىڭ ۇلەسى ءبىر ايدا 33,4%-دان 35,1%-عا دەيىن ءوستى. رەزيدەنتتەردىڭ دەپوزيتتىك ۇيىمدارداعى دەپوزيتتەرىنىڭ جالپى كولەمى 2016 جىلعى 1 قاراشاداعى جاعداي بويىنشا 2016 جىلدىڭ باسىنان باستاپ 11,2%-عا ۇلعايىپ, 17 754,1 ملرد. تەڭگە بولدى. ۇلتتىق ۆاليۋتامەن دەپوزيتتەر 2016 جىلدىڭ باسىنان باستاپ 7 857,8 ملرد. تەڭگە دەيىن 58,7%-عا ۇلعايدى, شەتەل ۆاليۋتاسىمەن – 9 896,3 ملرد. تەڭگەگە دەيىن 10,2%-عا تومەندەدى. تەڭگەمەن دەپوزيتتەردىڭ ۇلەس سالماعى 2016 جىلعى قازاننىڭ سوڭىندا 44,3% بولدى. حالىقتىڭ بانكتەردەگى سالىمدارى (بەيرەزيدەنتتەردى قوسا العاندا) 2016 جىلدىڭ باسىنان باستاپ 7 390,7 ملرد. تەڭگەگە دەيىن 7,4%-عا ۇلعايدى. 2016 جىلعى قازاندا بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 10,8% (2015 جىلعى جەلتوقساندا – 20,1%), جەكە تۇلعالاردىڭ دەپوزيتتەرى بويىنشا – 12,2% (8,5%) دەڭگەيىندە قالىپتاستى.