مەملەكەتتىك ىستەر اگەنتتىگى جانىنان قوعامدىق كەڭەس قۇرىلدى

قر مەملەكەتتىك ىستەر جانە سىبايلاس جەمقورلىققا قارسى ءىس-قيمىل اگەنتتىگى جانىنان قوعامدىق كەڭەس قۇرىلدى, دەپ حابارلادى مەكەمەنىڭ ءباسپاسوز قىزمەتى. اگەنتتىك توراعاسى قايرات قوجامجاروۆ قوعامدىق كەڭەستىڭ اگەنتتىك قىزمەتىندەگى ءرولى ماڭىزدى ەكەنىن اتاپ ءوتتى. سەبەبى, ازاماتتىق قوعام وكىلدەرىنە مەملەكەتتىك قىزمەت, مەملەكەتتىك قىزمەت كورسەتۋدىڭ ساپاسى مەن سىبايلاس جەمقورلىققا قارسى ءىس-قيمىل سالاسىندا مەملەكەتتىك ساياساتتى جۇزەگە اسىرۋعا قاتىسۋ مۇمكىندىگى بەرىلىپ وتىر. قوعامدىق كەڭەس جوبالار مەن بيۋدجەتتىك باعدارلامالاردى ورىنداۋدى تالقىلاۋعا, ازاماتتاردىڭ قۇقىقتارى, بوستاندىقتارى جانە مىندەتتەمەلەرىنە قاتىستى ءنورماتيۆتى-قۇقىقتىق اكتى جوبالارىن قۇرۋعا, مەملەكەتتىك باسقارۋ جانە مەملەكەتتىك اپپاراتتىڭ اشىق جۇمىسىن ۇيىمداستىرۋدى جەتىلدىرۋ ماسەلەلەرى بويىنشا جەكە جانە زاڭدى تۇلعالاردىڭ ۇندەۋىن قاراستىرۋعابەلسەندى قاتىسا الادى. توراعا لاۋازىمىنا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى سەرىكجان قاناەۆ تاعايىندالدى.