استانا قالاسىنىڭ قازىناسىنا العاش رەت 1 تريلليوننان استام تەڭگە جينالدى, دەپ حابارلايدى ەلوردالىق مەملەكەتتىك كىرىستەر دەپارتامەنتىنىڭ ءباسپاسوز قىزمەتى.
«مەملەكەتتىك كىرىستەر دەپارتامەنتىنىڭ ءۇش قۇرىلىمدىق قىزمەتتىڭ (كەدەن, سالىق جانە ەكونوميكالىق تەرگەۋ) ۇيلەسىمدى جۇمىستارىنىڭ ارقاسىندا مۇمكىن بولدى» – دەدى مكد باسشىسىنىڭ م.ا. ا.يمانعوجين.
اكىمشىلەندىرۋ, سالىق جانە كەدەن باعىتتارى بويىنشا جۇمىس جۇرگىزۋ جاقسارىپ, كولەڭكەلى ەكونوميكاعا قارسى ءىس قيمىل ماقساتتى جۇيەلى جۇرگىزىلۋدە. «ەكسپو-2017» قارساڭىندا كولەڭكەلى اينالىمدى قىسقارتۋدا دەپارتامەنتپەن باقىلاۋ مەن الدىن الۋ ءىس-شارالارى اۋقىمدى دەڭگەيدە قولعا الىندى.
ەلوردانىڭ بارلىق اۋدان ورتالىقتارىندا سالىقتىق قىزمەت كورسەتۋ جاڭعىرتىلۋدا, قازاقستاندا العاش رەت اشىلعان كولىك-لوگيستيكالىق ورتالىعى, حالىققا جانە بيزنەس وكىلدەرىنە مەملەكەتتىك قىزمەت كورسەتۋدە كەدەندىك رەسىمدەۋ ساپاسىن ايتارلىقتاي جاقسارتۋعا جانە مەرزىمىن قىسقارتۋعا مۇمكىندىك بەردى.
مەملەكەتىمىزدىڭ تاۋەلسىزدىگىنە 25-جىلدىعى قارساڭىنا وراي اتالعان ناتيجەگە دەپارتامەنت ۇجىمىنىڭ قاجىرلى ەڭبەگىنىڭ ارقاسىندا قول جەتكىزىلدى.
