اۋا رايى قولايسىزدىعىنان بىرقاتار جولدار جابىلدى

قر ءىىم تجك سايتىندا ەلىمىزدىڭ وڭىرلەرىندەگى جولداردىڭ جابىلۋىنا قاتىستى اقپارات جاڭارتىلدى. قازىرگى ۋاقىتتا ءۇش جولدا كولىكتەر قوزعالىسىنا شەكتەۋ قويىلعان, دەپ حابارلادى قازاقپارات. شىعىس قازاقستان وبلىسىندا 5 جەلتوقسان كۇنى ساعات 13:15-تەن باستاپ اۋا رايىنىڭ بۇزىلۋىنا بايلانىستى (قارلى بۇرقاسىن) رەسپبۋليكالىق ماڭىزى بار «الماتى-وسكەمەن» جولىندا (971-1047 شاقىرىمى ارالىعى, قالباتاۋ كەنتىنەن ۇلان اۋىلىنا دەيىن) قوعامدىق جانە جۇك كولىكتەرىنىڭ قوزعالىسى شەكتەلدى. 6 جەلتوقساندا ساعات 20:00-دەن باستاپ كۇن رايىنىڭ بۇزىلۋىنا بايلانىستى (بوران, جولدىڭ كورىنبەۋى) وبلىستىق دەڭگەيدەگى «كۇرشىم-قالجىر» (0-131 شاقىرىمى) جولىندا بارلىق كولىكتەردىڭ جۇرۋىنە تىيىم سالىندى. قىزىلوردا وبلىسىندا 6 جەلتوقساندا ساعات 12:30-دان باستاپ جولدى سۋ باسىپ كەتۋى سالدارىنان وبلىستىق دەڭگەيدەگى «جالاعاش-جوسالى» اۆتوجولىندا بارلىق كولىكتەردىڭ قوزعالىسى شەكتەلدى.