كومپانيا ۇستانىمى – قولجەتىمدى پاتەر

اقتوبە قالاسى  جىل وتكەن سايىن قاناتىن كەڭگە جايىپ, كوركەيىپ كەلەدى. مۇندا قۇرىلىس يندۋسترياسى جاقسى دامۋدا. اسىرەسە, تۇرعىن ءۇي قۇرىلىسىندا اناعۇرلىم ىلگەرىلەۋ بار. شاھاردا سوڭعى جىلداردىڭ بەدەرىندە بىرنەشە شاعىن اۋدان بوي كوتەردى. تۇرعىن ءۇي قۇرىلىسىن سالۋعا مەملەكەتتىك جانە جەكە كومپانيالار اتسالىسۋدا. سولاردىڭ اراسىندا «قازاقستان يپوتەكالىق كومپانياسى» يۇ» اق سال­عان تۇرعىن ۇيلەر ساۋلەتتىك تار­تىم­­دىلىعىمەن, ىشكى ولشەمدەرى­مەن, ەڭ باستىسى, قولجەتىمدىلىگى­­مەن ەرەك­­شە­لەنەدى. قازاقستان رەسپۋب­لي­­كا­سىنىڭ تۇڭ­عىش پرەزيدەنتى كۇ­نىنە وراي جانە تاۋەلسىزدىكتىڭ 25 جىل­دىعى قارساڭىندا «نۇرلى جول» باع­دارلاماسى اياسىندا «بايتەرەك» ۇبح ەنشىلەس ۇيىمى – قازاقستان يپوتەكالىق كومپانياسى سالعان تۇر­عىن ۇيلەر پايدالانۋعا بەرىلدى. وبلىس اكىمى بەردىبەك ساپارباەۆ پەن  «قازاقستان يپوتەكالىق كومپانياسى» يۇ» اق باسقارما توراعاسى ءادىل مۇحامەدجانوۆ وسى  تۇرعىن ۇيلەردەن پاتەر العان اقتوبەلىك 318 وتباسىعا  ءپا­تەرلەردىڭ كىلتتەرىن سالتاناتتى جاع­داي­دا تاپسىرىپ,  قونىس توي­لارىمەن قۇت­تىق­تادى. مەملەكەتتىك باعدارلامانى تابىستى جۇزەگە اسىرۋدىڭ ارقاسىندا 2015 جىلدان باستاپ 900 اقتوبەلىك وت­باسى ساتىپ الۋ قۇقىعىمەن جالعا بە­رىلەتىن تۇرعىن ۇيلەرمەن قامتاماسىز ەتى­ل­دى. «نۇرلى جول» باعدارلاماسى بوي­ىنشا سالىناتىن وبەكتىلەر تەز ارادا اياقتالىپ بيىل تاپسىرىلادى. 2016 جىلدىڭ سوڭىنا دەيىن «قازاقستان يپوتەكالىق كومپانياسى» يۇ» اق اقتوبە قالاسىنىڭ تۇرعىندارىنا تاعى دا تازا ارلەنگەن 391 پاتەر بولۋگە ءازىر. – ۇستىمىزدەگى  جىلى ءبىز ەلىمىزدىڭ تاۋەلسىزدىگىنىڭ 25 جىلدىعىن تويلاعالى وتىرمىز. سوعان وراي وڭىردە « ۇلى دالا ەلى – تاۋەلسىزدىكتىڭ 25 نەگىزى» اتتى 25 جۇلدىزدى كۇن باستاۋ العان بولاتىن. قازىردىڭ وزىندە ءبىزدىڭ ءوڭىر «نۇر اقتوبە» مەن «باتىس-2» الاپتارىندا تۇرعىن ءۇي قۇرىلىسىندا وزدەرىنىڭ مۇمكىندىكتەرى مەن الەۋەتىن سەنىمدى تۇردە كورسەتە الدى. ءبىزدىڭ بۇگىن تاپسىراتىن التى قاباتتى 3 تۇرعىن ءۇيدىڭ پاتەر كىلتتەرى – وسىنىڭ دالەلى, – دەدى وبلىس اكىمى. جالدامالى پاتەرلەرگە بيۋدجەتتىك ۇيىمداردىڭ جۇمىسشىلارى, مەملە­كەت­تىك قىزمەتكەرلەر, كوپبالالى وتباسىلار, مۇگەدەك بالالارى بار وتباسىلار, اتا-اناسىنىڭ قامقورىنسىز قالعان بالالار, اسكەري قىزمەتشىلەر يە بولدى. – ادامداردىڭ كوپتەن كۇتكەن ءپا­تەرلە­رىنە تۇڭعىش پرەزيدەنت  كۇنى قول جەت­كى­زۋلەرىنىڭ دە ءمانى بار. ءوي­تكەنى, بۇگىندە ەلى­مىزدىڭ 9 مىڭ ازا­ماتىنىڭ قيك جەلىسى بوي­ىنشا تۇرعىن ۇيمەن قامتاماسىز ەتىلۋىنە مەم­لەكەت باسشىسى تاپسىرما بەرگەن  بولاتىن. ءبىز بۇگىن اقتوبە  مەن  الماتى قالالارىندا 370  وتباسىنىڭ باسپانالى بولىپ, «نۇرلى جول» مەملەكەتتىك باعدارلاماسى ارقاسىندا يە بولعاندارى ءۇشىن قۋانىشتىمىز, – دەدى «قازاقستان يپوتەكالىق كومپانيا­سى» يۇ» اق  باسقارما توراعاسى ءادىل مۇحامەدجانوۆ. اقتوبە قالاسىندا ءۇش ۇيدەن تۇراتىن كەشەندە 318 پاتەر بار. اتالمىش باعدارلاما قاتىسۋشىلارىنىڭ ءتىزى­مىن  قالالىق اكىمدىكتەگى كوميسسيا قۇجاتتارىن قا­بىل­داپ بولعان سوڭ جاساپ, تولەم قا­بى­­­لەتتەرىن راستاۋ ءۇشىن «ءباي­تەرەك» حول­دي­نگىنىڭ ەنشىلەس قۇرىلىمى – قيك-كە جىبەردى. جاڭا پاتەردىڭ كىلتتەرىنە يە بولعان­دار­دىڭ قۋانىشتارىندا شەك جوق. ءبىرىن-ءبىرى قۇتتىقتاعان تۇرعىنداردى سوزگە تارتقانبىز. – مەن ەلىمىزدىڭ تۇڭعىش پرەزيدەنتى كۇنى پاتەر كىلتىن العانىما قۋانىپ, تولقىپ تۇرمىن. ەلباسى حالىقتىڭ تۇرمىسىن جاقسارتۋعا  ايرىقشا كوڭىل بولۋدە. سونداي-اق, وتە قىسقا مەرزىمدە وسىنداي تۇرعىن ءۇي سالعان قازاق­ستان يپوتەكالىق كومپانياسىنا العىسىم شەكسىز. قۋانىشىمدى بولىسۋگە قازالىدان انام دامەگۇل دە كەلىپ, مىناداي جايلى پاتەر العانىما قۋانۋدا. پاتەردىڭ نەسيەلىك  باعاسى دا قولجەتىمدى, بەس جىلدان كەيىن ساتىپ الۋعا بولاتىن شارتى دا قولايلى, – دەيدى №6 ەمحانانىڭ مەدبيكەسى گۇلجانات ەسكەندىروۆا. – ءبىر ءۇيلى جان پاتەر جالداپ كەلدىك. قازىر ءۇش بولمەلى پاتەرگە قولىمىز جەتىپ وتىر. وسىنىڭ ءبارى  ەلباسىنىڭ حالىقتىڭ قامىن ويلاعان سارابدال ساياساتىنىڭ ارقاسى. مۇندا ەندى اتا-انام, باۋىرلارىممەن بىرگە جەتى ادام تۇراتىن بولامىز. باسپاناڭ بولعانعا نە جەتسىن, پاتەر جالداۋدىڭ ازابىنان قۇتىلىپ, مەرەيىمىز  ءوسىپ, كوڭىلىمىز كوتەرلىپ قالدى, – دەيدى نۇرجان يستيگۋلوۆ. «ءبىز ەلىمىزدىڭ پرەزيدەنتىنە حالىقتىڭ تۇرعىن ۇيگە جەڭىلدىكپەن قول جەتكىزۋىنە مۇمكىندىك بەرگەنى ءۇشىن العىس ايتامىز. دۇنيەجۇزىلىك ەكونوميكالىق داعدارىس كە­زىندە مەملەكەتىمىز مۇگەدەكتەر, جە­تىم­­دەر, جاس جانە كوپبالالى وتباسىلار سەكىلدى حالىقتىڭ ءالسىز توپتارىن قول­جەتىمدى باسپانامەن قامتاماسىز ەتۋدى جالعاستىرىپ كەلەدى», دەيدى «سنپس-اقتوبەمۇنايگاز» اق قىزمەتكەرى ايدا بالدارينا. – ءبىزدىڭ كومپانيا بىلتىر 70 پاتەردى پايدالانۋعا بەردى. بيىلدىڭ وزىندە №41 رازەزدە – 48, «كەڭ دالا» شاعىن اۋدانىندا – 91, «باتىستا» – 210, مارەسەۆ كوشەسىندە – 7 جانە لەنينگراد كوشەسىندە 9 پاتەرلى تۇرعىن ءۇيدى تاپسىردىق. قازىر وسى كەشەندەگى 318 پاتەر تولىقتاي دايىن. بۇگىن العاشقى قونىستانۋشىلار پاتەر كىلتتەرىن الدى. وسى باعدارلاما جۇزەگە اسىرىلا باستاعالى 900-دەن استام اقتوبەلىك پاتەرگە يە بولدى. بۇل باعىتتاعى جۇمىس جالعاسىن تابادى. كومپانيا  تۇرعىن ۇيلەردى سالۋدا «سوللەرس», «كروسس» جانە «الاڭ ينۆە­ست» جاۋاپكەرشىلىگى شەكتەۋلى سەرىك­تەس­­تىكتەرىمەن بىرگە جۇمىس ىستەۋدە. بۇل ۇيلەردە ءبىر, ەكى جانە ءۇش بولمەلى پاتەرلەر بار. جالپى اۋماعى 41-84 شارشى مەتر شاماسىندا. 1 شارشى مەتر تۇرعىن ءۇيدىڭ قۇنى ورتاشا ەسەپپەن ايىنا 923 تەڭگەنى قۇرادى.  ازىرگە 20 جىلعا جالعا بەرىلەدى, مۇمكىندىگى كەلسە بەس جىلدان كەيىن ساتىپ الۋلارىنا بولادى, – دەيدى «قازاقستان يپوتەكالىق كومپانياسى» يۇ» اق-تىڭ اقتوبەدەگى وكىلى داۋلەتيار بالاباەۆ. وبلىس اكىمى بەردىبەك ساپارباەۆ پەن «قازاقستان يپوتەكالىق كومپانيا­سى» يۇ» اق باسقارما توراعاسى ءادىل مۇ­حامەدجانوۆ تۇرعىن ءۇي الاڭىنا اعاش كوشەتتەرىن وتىرعىزدى. جالپى العاندا بۇل كومپانيا تۇرعىنداردىڭ از قامتىلعان توبىن تۇرعىن ۇيمەن قامتاماسىز ەتۋدە وزىندىك ىزدەنىستەرمەن جۇ­مىس ىستەۋدە. تۇرعىن ۇيلەردى تەز دە سا­پالى سالۋمەن بىرگە, باعاسىنىڭ قول­جە­تىمدىلىگىنە دە باسىمدىق بەرۋى حا­لى­ق­­تىڭ كوڭىلىنەن شىعۋدا. قازىر وسى باعدارلامامەن تۇرعىن ءۇي الۋعا ىقى­لاس بىلدىرۋشىلەر قاتارى ارتا تۇسكەن. بۇل كومپانيانىڭ بەدەلىن كوتەرىپ, جۇ­مىس­تارىن قارقىندى جۇرگىزۋگە ىقپال ەتۋدە. ساتىبالدى ءساۋىرباي, «ەگەمەن قازاقستان» اقتوبە سۋرەتتى تۇسىرگەن ماكسيم توكار