سايلاۋدى بايقاۋعا قاتىستى

ۇستىمىزدەگى جىلعى 4 جەلتوقساندا وزبەكستان رەسپۋبليكاسىنىڭ پرەزيدەنتىن سايلاۋ بولدى, بۇل سايلاۋ حالىقارالىق قوعامداستىق تاراپىنان زور قىزىعۋشىلىق تۋعىزدى, دەپ حابارلادى قازاقستان رەسپۋبليكاسى ورتالىق سايلاۋ كوميسسياسىنىڭ ءباسپاسوز قىزمەتى. سايلاۋعا ەقىۇ-نىڭ دەموكراتيالىق ينستيتۋتتار جانە ادام قۇقىقتارى ءجونىن­دەگى بيۋروسىنان, تاۋەلسىز مەملەكەتتەر دوستاستىعىنان, شانحاي ىنتىماقتاستىق ۇيىمىنان, دۇنيەجۇزىلىك سايلاۋ ورگان­دارىنىڭ قاۋىمداستىعىنان جانە يسلام ىنتىماقتاستىعى ۇيىمىنان, سونداي-اق 46 مەملەكەتتەن 548 حالىقارالىق باي­قاۋ­شى اككرەديتتەلدى. 59 بايقاۋشىدان تۇرعان قازاقستاندىق دەلەگاتسيا, ونىڭ ىشىندە ورتالىق سايلاۋ كو­ميسسياسىنىڭ توراعاسى ب.يماشەۆ, كو­ميسسيا مۇشەسى م.سارسەمباەۆ, پار­­لا­مەنت ءماجىلىسىنىڭ دەپۋتاتتارى ف.كا­را­تاەۆ, ك.ەرجان جانە قازاقستان ءوڭىر­­لە­رىنىڭ وكىل­دەرى, ەڭ كوپ قۇرامدى دەلە­گا­تسيا­لار­دىڭ ءبىرى بولدى. قازاقستاندىق بايقاۋشىلار وزبەكستان استاناسىمەن قاتار, وڭىرلەرىندە دە پرە­زي­دەنتتىك سايلاۋدى بايقاۋعا بەلسەندى قا­تىستى, سايلاۋدىڭ جوعارى دەڭگەيدە ۇيىم­داستىرىلعانىن, ۋچاسكەلىك سايلاۋ كو­ميسسيالارىنىڭ بىلىكتىلىگىن, سايلاۋ پروتسەسىنىڭ اشىقتىعى مەن ايقىندىعىن اتاپ ءوتتى.