ۆەنادا حالىقارالىق كونفەرەنتسيا وتۋدە

ۆەنا قالاسىندا اتوم ەنەرگياسى جونىندەگى حالىقارالىق اگەنتتىكتىڭ «يادرولىق قاۋىپسىزدىك: مىندەتتەمەلەر مەن ارەكەتتەر» اتتى حالىقارالىق كونفەرەنتسياسى ءوتىپ جاتىر, دەپ حابارلادى ەلىمىز سىرتقى ىستەر مينيسترلىگىنىڭ ءباسپاسوز قىزمەتى. وسىنداي ءار ءۇش جىلدا وتكىزىلەتىن يادرو­لىق قاۋىپسىزدىك ماسەلەلەرى ءجونىن­دەگى كونفەرەنتسيا ەكىنشى رەت ۇيىم­دا­ستىرىلۋدا. كونفەرەنتسياعا 168 مۇشە مەم­لەكەت دەلەگاتسيالارى, سونىڭ ىشىندە 50 مينيسترلەر باسقاراتىن دەلەگاتسيالار قاتىسۋدا. ال قازاقستان تاراپىنان كونفە­رەن­تسيا­عا ەلىمىزدىڭ ۆەناداعى حالىقارالىق ۇيىمدار جانىنداعى تۇراقتى وكىلى, ەلشى قايرات سارىباي باستاعان ەنەرگەتيكا مينيسترلىگىنىڭ جانە ۇلتتىق يادرولىق ورتالىقتىڭ وكىلدەرى بارعان بولاتىن. كونفەرەنتسيا مينيسترلەر سەگمەنتى­نىڭ پلەنارلىق وتىرىسىنان باستالىپ, يادرو­لىق قاۋىپسىزدىكتى قامتاماسىز ەتۋ ءما­سە­لەلەرىنە بايلانىستى وتكەن بىرنەشە عى­لىمي جانە تەحنيكالىق وتىرىستارمەن جالعاستى. مينيسترلەر دەكلاراتسيا­سىن تال­قىلاۋ مەن ونىڭ قابىلدانۋى مينيستر­لەر سەگمەنتىنىڭ پلەنارلىق وتىرىسى شەڭبەرىندەگى ەڭ ماڭىزدى وقيعا بولىپ تابىلدى. قازاقستان دەلەگاتسياسىنىڭ باسشىسى ءوزىنىڭ سوزىندە ەلىمىزدىڭ يادرولىق قا­رۋسىزدانۋ سالاسىنداعى جەتىستىكتەرىن, قازاق­ستان رەسپۋبليكاسى مەن ماگاتە اراسىنداعى يادرولىق قاۋىپسىزدىكتى كۇ­شەي­تۋ بويىنشا ىنتىماقتاستىعىن اتاپ ءوتتى. ماگاتە-گە مۇشە مەملەكەتتەر قازاقستان پرەزيدەنتى نۇرسۇلتان نازارباەۆتىڭ بۇۇ باس اسسامبلەياسىنىڭ 70-وتىرىسىندا ۇسىنعان جانە «الەم. ححI عاسىر» مانيفەسىندە جالعاسقان, سون­داي-اق بۇۇ قۇجاتى رەتىندە تار­ا­تىلعان باستامالارىنا نازار اۋداردى.  قا­تىسۋشىلار 2017 جىلدىڭ ەكىنشى جار­­تىسىندا اشىلادى دەپ جوسپارلا­نىپ وتىرعان ماگاتە-ءنىڭ تومەن بايى­تىل­­عان ۋران بانكىن قازاقستاندا قۇرۋ جونىندەگى جوباسىنىڭ ىسكە اسىرىلۋ بارىسى تۋرالى حاباردار ەتىلدى. يادرولىق قاۋىپسىزدىك جونىندەگى كون­فەرەنتسيا جۇمىسى 9 جەلتوقسانعا دەيىن جالعاسادى.