ۋنيۆەرسيادانىڭ «قاناتىڭدى كەڭ قاق!» دەگەن ۇرانى جاس سپورتشىلاردى ەرەسەكتەر سپورتىنىڭ شىڭدارىنا شىعۋعا جىگەرلەندىرەدى.
ۋنيۆەرسيادانىڭ كەز كەلگەن لوگوتيپىندە FISU-دىڭ قامقورلىعىمەن وتەتىن كەز كەلگەن سپورتتىق شارانىڭ فيرمالىق سيمۆوليكاسىنىڭ مىندەتتى ەلەمەنتى بولىپ تابىلاتىن U لاتىن ءارپىنىڭ بەينەسى تۇرادى.
قىسقى ۋنيۆەرسيادا-2017 لوگوتيپى ستيلدەنگەن قاناتتار تۇرىندە بەينەلەنگەن جانە انىق كورسەتىلگەن سەرپىندى ءپىشىنى بار: سولدان وڭعا قاراي جوعارى. ول – دامۋدىڭ, سونداي-اق شىڭداردى باعىندىرۋدىڭ بەلگىسى.
قىسقى ۋنيۆەرسيادا-2017-ءنىڭ بويتۇمارى بولىپ جىلدامدىق پەن كوككە اسقاقتاۋدى, جەڭىلدىكتى, قۋاتتى جانە جەڭىسكە قۇشتارلىقتى – ناعىز جاس سپورتشىلارعا ءتان قاسيەتتەردى بەينەلەيتىن قازاق دالاسىنىڭ ەرىكتى جانە قايراتتى مەكەندەۋشىسى جاس سۇڭقار تاڭدالعان.
ۋنيۆەرسيادانىڭ مەدالدارى كلاسسيكالىق ستيلدە التىن, كۇمىس جانە قولاعا ۇقسايتىن مەتالدار قورىتپاسىنان جاسالعان. ول قازاقستان تەڭگە سارايىندا شەكۋ تاسىلىمەن, ءتۇرلى-ءتۇستى ەمال قولدانىپ دايىندالعان. مۋار لەنتاسىنا ۋنيۆەرسيادانىڭ لوگوتيپى قوندىرىلعان. مەدالدىڭ بەت جاعىندا FISU-ءدىڭ (حالىقارالىق ستۋدەنتتىك سپورت فەدەراتسياسى) لوگوتيپى مەن ويىنداردىڭ اتاۋى جانە وتەتىن ورنى بەينەلەنگەن. سىرت جاعىندا ۋنيۆەرسيادانىڭ لوگوتيپى تۇر.
