ۇلتتىق كىتاپحانادا بەلگىلى عالىم, قوعام قايراتكەرى, اكادەميك, مەملەكەتتىك سىيلىقتىڭ لاۋرەاتى ءورازالى سابدەننىڭ قازاق, ورىس جانە اعىلشىن تىلدەرىندە جازىلعان «اباي, قازاقستاننىڭ بولاشاعى جانە الەمدىك تسيۆيليزاتسيا», سونداي-اق, عالىم ابدىمالىك اشىروۆپەن بىرلەسە جازعان «ححI عاسىر جانە سودان كەيىنگى عاسىرداعى ادامزاتتىڭ ءومىر ءسۇرۋ ستراتەگياسىنىڭ كونتسەپتسياسى» اتتى كىتاپتارىنىڭ تۇساۋكەسەرى ءوتتى.
«اباي قۇنانباي ۇلىنىڭ شىعارمالارى مەن قارا سوزدەرى قازاق حالقىن عانا ەمەس, بۇكىل ادامزات بالاسىن ەكى عاسىر بويى رۋحاني قۇندىلىقتارعا جەتەلەۋمەن كەلەدى. ءبىز ابايعا قايتا بەت بۇرىپ, ونىڭ تۋىندىلارىنان اقيقات پەن شىندىقتى, ار-ۇيات, نامىس پەن مەيىرىمدىلىكتى الىپ, ءوزىمىزدى وزگەرتسەك, رۋحاني جان دۇنيەمىزدى تۇزەتۋگە بەت الساق», – دەگەن اۆتور كىتاپتا ابايدىڭ قارا سوزدەرىندە كوتەرىلگەن ماسەلەلەردى XXI عاسىردا ىسكە اسىرۋ تەتىكتەرىن ايقىنداي وتىرىپ, قازاق ەلىنە, جالپى وركەنيەتكە ەلەۋلى ۇلەس قوسقان ءال-فارابي, مۇحاممەد حايدار دۋلاتي, ابىلاي حان, دىنمۇحامەد قوناەۆ سىندى وتىزعا تارتا تاريحي تۇلعا جايلى قىسقاشا مəلىمەت ۇسىنادى.
«اباي, قازاقستاننىڭ بولاشاعى جانە الەمدىك تسيۆيليزاتسيا» كىتابىنىڭ اۆتورى حالىقارالىق دەڭگەيدەگى جاڭا پوستمودەرنيزم تاسىلىندە بۇگىن مەن بولاشاقتىڭ وزەكتى سۇراقتارىنا جاۋاپ بەرىپ, ولاردى قالاي ىسكە اسىرۋ جولدارىنا توقتالىپ, قازاق ەلىن جاڭا ءوركەنيەتكە, ىزگىلەندىرۋ قوعامىنا كوتەرۋدى ماقسات تۇتادى.
سونداي-اق, بيىلعى قاراشانىڭ سوڭىن الا لوندوندا وتكەن V حالىقارالىق «Open Eurasian Literature festival & Book forum» ادەبيەت فەستيۆالى اياسىندا ورازالى سابدەن مەن ءابدىمالىك ءاشىروۆتىڭ «The Conceptual Strategy for Humankind›s Survival in the XXI Century and Food Security» («ححI عاسىر جانە سودان كەيىنگى عاسىرداعى ادامزاتتىڭ ءومىر ءسۇرۋ ستراتەگياسىنىڭ كونتسەپتسياسى») كىتابىنىڭ كورسەتىلىمى وتكەن ەدى. الەمنىڭ 67 ەلىنە تانىستىرىلعان كىتاپتىڭ اۆتورلارى ادامزاتتىڭ نازارىن XXI عاسىرداعى جاھاندىق ماسەلەلەرگە اۋدارىپ جانە ولاردى شەشۋدىڭ بىرەگەي باعدارلاماسىن ۇسىندى. مۇندا پوستيندۋستريالىق الەمدەگى جالپى ادامزات وركەنيەتىنىڭ رۋحانيلىق, عىلىمي-تەحنيكالىق رەۆوليۋتسيا, ەكونوميكا جانە الەمدىك قاۋىپسىزدىك, ەكولوگيا, عارىشتى يگەرۋ سىندى 6 بازالىق ەلەمەنتكە نەگىزدەلگەن پلانەتارلىق ءۇي قۇرۋ قاعيدالارى سيپاتتالادى. قوس اۆتور ادامزات ومىرىندەگى كۇردەلى ماسەلەلەردىڭ ءبىرى – اشتىققا دۋشار بولعان الەمدە 1,3 ميلليارد ادامدى ازىق-ت ۇلىكپەن قامتاماسىز ەتۋ ماسەلەسىن تاجىريبەلىك تۇرعىدا شەشۋدى ۇسىنادى.
ميرا بايبەك,
«ەگەمەن قازاقستان»
الماتى
