اسەم اۋەز

وڭتۇستىك قازاقستان وبلىستىق وپەرا جانە بالەت تەاترىنىڭ بەلگىلى ءسوليسى, مادەنيەت قايراتكەرى ءۇرالحان سەيىلبەكوۆا ەل تاۋەلسىزدىگىنىڭ 25 جىلدىعىنا وراي «ءانىم ساعان, نۇرلى ەلىم!» شىعارماشىلىق كەشىن وتكىزدى. سوڭعى جىلدارى وتاندىق وپەرا ونەرى نەبىر جارقىن ەسىم­دەرمەن تولىعا تۇسۋدە. روزا, بيبىگۇل, نۇرجامال, مايرا سىندى حالقىمىزدىڭ دارا تۋعان ساڭلاق جۇلدىزدارى كوشىن جال­عاستىرۋشى جاستاردىڭ اراسىنان ءۇ.كانالبايقىزىنىڭ ونەرىن ايرىقشا اتاپ وتكەن ءجون. ويتكەنى, ول وڭىردەگى وپەرا جانە بالەت تەاترىن­دا باستى پارتيالاردى سوم­داپ جۇرگەن بىردەن-ءبىر سوليست. حالىق ءۇرالحاننىڭ اشىق تەم­برى مەن جۇمساق داۋىسىن جوعارى باعالايدى. ونىڭ اسەم ۆو­كالى, وپەرالىق جانە كونتسەرتتىك رەپەر­تۋاردى تاڭداۋداعى ويلى ىزدەنىستەرى, ول بەينەلەگەن ءاربىر وبراز قازاق وپەرا ونەرىنە وزىندىك ورنەك بولىپ قوسىلۋدا. كەشتىڭ جوعارى دەڭگەيدە وتۋىنە قولداۋ بىلدىرۋگە دوستارى, ءتۇرلى ساحنالاردا جۇپتاسىپ ونەر كورسەتىپ جۇرگەن انشىلەر قوناق رەتىندە قاتىستى. ولاردىڭ اراسىندا وزبەكستاننىڭ ەڭبەك سىڭىرگەن ءارتيسى, تانىمال باريتون جەڭىسبەك پيازوۆ, «استانا وپە­را» تەاترىنىڭ جەتەكشى سو­ليسى, قازاقستاننىڭ ەڭبەك ءسىڭىر­­گەن قايراتكەرى دينا حام­زينا, قازاقتىڭ مەملەكەتتىك اكا­دەميا­لىق اباي اتىنداعى وپەرا جانە بالەت تەاترىنىڭ سوليستەرى, حا­لىقارالىق بايقاۋلاردىڭ لاۋرەاتى ەلەنا نيكونوۆا مەن ەميل ساقاۋوۆ جانە وبلىستىق وپەرا جانە بالەت تەاترىنىڭ ءسوليسى ەرلان جان­دارباي بار. كەشكە قاتىسۋشىلار وپەرا جۇل­دىزىمەن بىرگە ۇلتتىق جانە الەمدىك كلاسسيكانىڭ ءىن­جۋ-مار­جان­دارىنان ۇزىندىلەر شىر­قادى. حا­لىقارالىق بايقاۋلاردىڭ لاۋ­رەاتى, اباي اتىنداعى وپەرا جانە بالەت تەاترىنىڭ ديريجەرى, ماەسترو ەربولات احمەدياروۆتىڭ, وبلىستىق وپەرا جانە بالەت تەاترى­­نىڭ باس ديريجەرى قۋانىش يس­مايىلوۆتىڭ جەتەكشىلىگىمەن تەاتردىڭ سيمفونيالىق وركەسترى مەن ش.قالداياقوۆ اتىنداعى فيلار­­مونيانىڭ «سۇگىر» ۇلت-اس­پاپتار وركەسترى ونەر كورسەتتى. س.مۇ­حا­مەدجانوۆتىڭ «شاتتىق وتانى» كوم­پوزيتسياسى, ە.راح­ماديەۆتىڭ «قامار سۇلۋ» وپەرا­سىنان قاماردىڭ ارياسى ورىن­دالدى. سيمفونيالىق ور­كەس­تردىڭ سۇيەمەلدەۋىمەن ءان شىر­قاعان قىزدار حورى مەن بالەت ترۋپپاسىنىڭ ونەرى كەش اجارىن اشتى. ۇلتتىق كلاسسيكانىڭ «التىن قورىنان» ا.جۇبانوۆ پەن ل.ءحاميديدىڭ «اباي» وپەراسىنان «اجاردىڭ ارياسى», م.تولەباەۆتىڭ «قوزى كورپەش –بايان سۇلۋ» وپەراسىنان «باياننىڭ ارياسى», «ءبىرجان – سارا» وپەراسى­نان «ايتىس», ە.راحماديەۆتىڭ «قا­مار سۇلۋ» وپەراسىنان قامار مەن احمەتتىڭ دۋەتى, ل.ءحاميديدىڭ «بۇل­بۇل», ش.قالداياقوۆتىڭ «انا تۋرالى جىر» اندەرى, سونداي-اق,  ۆەرديدىڭ «ۆيولەتتانىڭ اريا­سى», ش.گۋنونىڭ «رومەو ءجا­نە دجۋلەتتا» وپەراسىنان «دجۋلەت­تانىڭ ءۆالسى», ل.دە­ليبتىڭ «لاكمە» جانە ر.لەون­كوۆاللونىڭ «پاياتسى» وپەراسىنان «نەددا مەن سيلۆيو» دۋەتتەرى وتە ءساتتى ورىندالدى. قۇرامىندا ەميل ساقاۋوۆ, ەلەنا نيكونوۆا, ەرلان جاندارباي بار توپپەن بىرگە دج.ۆەرديدىڭ «ريگولەتتو» وپەراسىنان ءۇزىندى شىرقالدى. وبلىستىق مادەنيەت باسقار­ماسىنىڭ باسشىسى ن.احمەتجانوۆ انشىگە وبلىس اكىمى ج.تۇيمە­باەۆ­تىڭ جانە وبلىستىق ءماسلي­حات­تىڭ العىس حاتتارىن تابىس ەتتى. ءۇ.سەيىلبەكوۆانىڭ ورىنداۋىن­دا­عى پارتيالاردىڭ قاي-قايسىسى دا شوقتىعى بيىك تۋىندىلار دەسەك, ال, ونىڭ اسەم اۋەزى مەن كەڭ تىنىستى ەرەكشە ءۇنى كورەرمەنىن تەز باۋراپ اكەتەدى. ينديرا ارتىقباەۆا