ازاتتىققا ارنالعان اۋقىمدى اكتسيا

«تاۋەلسىز قازاقستان» پويىزى – سىر ەلىندە ارقادان ازاتتىق تويىنىڭ مەرەيىن اسىرىپ, مەيماناسىن تاسىتىپ, جەتكەن جەتىستىك پەن باعىندىرعان بەلەستى بارشا جۇرتقا پاش ەتۋدى مۇرات تۇتقان «تاۋەلسىز قازاقستان» پويىزى شىعىستى شارلاي ءوتىپ, باتىسقا بويلاي جەتىپ, سولتۇستىككە سوعىپ, وڭتۇستىك وڭىرگە ايالدادى. قازاقستان حالقى اسسام­بلەيا­سىنىڭ تىكەلەي ۇيىمداس­تىرۋىمەن ءوتىپ جاتقان رەسپۋبليكالىق اكتسيانىڭ نەگىزگى ماقساتى ءتاۋ­ەلسىزدىك جىلدارىنداعى رەس­­پۋب­ليكانىڭ قول جەتكىزگەن جە­تىستىكتەرىن ناسيحاتتاۋ, حا­لىق­تىڭ بىرلىگىن نىعايتۋ, جۇرت­شى­لىقتىڭ الەۋمەتتىك جانە قۇ­قىقتىق جاعدايلارىنا نازار اۋدارۋ, ەل دامۋىنىڭ ارقاۋلىق با­سىمدىقتارىن كورسەتۋ ەكەنىن تاعى ءبىر مارتە ايتا كەتەيىك. وسىنداي ميسسيانى موينىنا جۇكتەگەن اكتسيا مۇشەلەرى اۋليەاتا جەرىنەن شىرايلى شىم­كەنتكە ءوتىپ, قا­سيەتتى سىر توپىراعىنا توقتادى. «تاۋەلسىز قازاقستان» پويى­زىن قىزىلوردا قالاسىنىڭ تەمىر جول ۆوكزالىنان وبلىستىق اسسامبلەيا مۇشەلەرى مەن قالا تۇرعىندارى ءسان-سالتاناتپەن كۇتىپ الدى. تەمىر جول ۆوكزالىنا جينالعان حالىقتى دەلەگاتسيا مۇشەلەرى تاۋەلسىزدىكتىڭ 25 جىلدىق مەرەكەسىمەن قۇتتىقتاي كەلە, شارانىڭ ماڭىزدىلىعىن ءتۇسىندىرىپ ءوتتى. دەلەگاتسيا جەتەك­شىسى ل.ن.گۋميلەۆ اتىنداعى ەۋ­را­زيا ۇلتتىق ۋنيۆەرسيتەتى «حا­لىقارالىق قاتىناستار» ك­افەدراسىنىڭ پروفەسسورى ءامىرجان الپەيىسوۆ بولسا, قۇرامىندا قحا مۇشەسى, اس­تانا قالالىق قوعامدىق كەڭە­­سىنىڭ مۇشەسى, پروفەسسور قاز­بەك قازكەنوۆ, رەسپۋبليكالىق دوستىق ءۇيى مەدياتسيا كابينەتىنىڭ مەڭگەرۋشىسى, كاسىبي مەدياتور نۇرساۋلە التەكوۆا, جامبىل وب­لىستىق «رادونەج» ورىس قاۋىم­داستىعىنىڭ باسقارما مۇشەسى, «قوعامدىق كەلىسىم» كمم-ءنىڭ باس ساراپشىسى لاريسا لىسوۆا جانە وزگە دە سالا ماماندارى بار. «تاۋەلسىز قازاقستان» پويىزى اكتسياسىنىڭ ساپارى «نۇر وتان» پارتياسى وبلىستىق فيليالىنىڭ ءماجىلىس زالىندا باستالدى. وندا قۇقىق قورعاۋ ورگاندارىنىڭ وكىلدەرىمەن قوعامدىق قابىلداۋ ۇيىمداستىرىلدى. «تاۋەلسىز قازاقستان» پويىزىنىڭ شتاب مۇشەسى, «نۇر وتان» پارتياسى قوعامدىق  قابىلداۋىنىڭ  مەڭگەرۋشىسى  جۇماجان جۇكەنوۆ تە وسى جەردە قوعامدىق قابىلداۋ وتكىزدى. قابىلداۋعا وبلىستىق پارتيا فيليالىنىڭ باسشىلىعى, وبلىستىق قۇقىق قورعاۋ جانە مەملەكەتتىك ورگانداردىڭ باسشىلارى, پارتيا  بەلسەندىلەرى مەن قالا تۇرعىندارى قاتىستى. قابىلداۋعا 30-دان اسا تۇرعىن كەلىپ, كەڭەس بەرىلدى. ادىلەت مينيسترلىگىنىڭ وكىل­دەرىنەن قۇرالعان توپ قىزىل­وردا وبلىسىنىڭ حالىققا قىزمەت كورسەتۋ ورتالىعىندا ازاماتتارعا مەملەكەتتىك قىزمەت كورسەتۋ بويىنشا جيىن وتكىزدى. ال وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءماجىلىس زالىندا زەينەتاقى جانە الەۋمەتتىك ماسەلەلەر بويىن­شا تۇرعىندارمەن كەزدەسۋ بولدى. كەزدەسۋگە كەلگەن 12 ادامعا الەۋمەتتىك ماسەلەلەر بو­يىنشا كەڭەس بەرىلدى. ونىڭ ىشىندە, جەتى ادامعا زەينەتاقى ماسەلەسى, ءۇش كىسىگە الەۋمەتتىك كومەك, ەكى ازاماتقا جۇمىسپەن قامتۋ ماسەلەلەرى بويىنشا قولدانىستاعى زاڭنامالارعا سايكەس تۇسىنىكتەمە بەرىلدى. قىزىلوردا وبلىستىق تۇتى­نۋشىلاردىڭ قۇقىقتارىن قور­عاۋ دەپارتامەنتىنىڭ ءماجىلىس زالىندا تۇتىنۋشىلاردىڭ قۇقى­عىن قورعاۋ بويىنشا كەڭەس بولدى. تۇرعىندارمەن كەزدەسۋگە ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ باس ساراپشىسى نۇركەن جۇماتوۆ قاتىستى. تۇتىنۋشىلاردىڭ قۇقىعىن قورعاۋ بويىنشا كەزدەسۋ كەزىندە كوپشىلىكتى تولعاندىرعان سۇراق­تار بويىنشا, ناقتى جاۋاپ الىندى. كەزدەسۋگە 30-عا جۋىق ادام قاتىسىپ, قىزۋ تالقىلاۋ جۇرگىزىلدى. ايتا كەتۋ كەرەك, كەزدەسۋ بارىسىندا وبلىستىق تۇتىنۋشىلاردىڭ قۇقىقتارىن قورعاۋ قوعامىنىڭ توراعاسى سەرىك تەڭىزباەۆ اتالعان ماسەلەگە قاتىستى تۇرعىنداردىڭ ساۋالىنا جاۋاپ بەردى. №278 ورتا مەكتەپتە ءبىلىم سالاسى بويىنشا باعدار­لاما­لاردى ناسيحاتتايتىن  لەكتسيا ۇيىمداستىرىلدى. وعان ءبىلىم جانە عىلىم مينيس­تر­لىگىنىڭ وكىلدەرى, وبلىستىق ءبى­لىم باسقارماسى باسشىسى جانە ايماقتاعى ءبىلىم وشاق­تارىنىڭ جەتەكشىلەرى قاتىس­تى. كاسىپكەرلىكتى قولداۋ ورتالى­عىنداعى  كەزدەسۋگە وڭىرلىك دامۋ دەپارتامەنتىنىڭ مامانى دا­نيار سىدىقوۆ قاتىسىپ, كاسىپكەر­لەردىڭ ساۋالدارىنا جاۋاپ بەردى. كەزدەسۋگە قىزىلوردا ءوڭىرىنىڭ 70-تەن اسا كاسىپكەرى كەلدى. ءا.تاجىباەۆ اتىنداعى وبلىس­تىق امبەباپ كىتاپحانادا وبلىس اكىمىنىڭ ورىنباسارى رۋس­لان رۇستەموۆ پەن «تاۋەلسىز قازاقستان» پويىزى مۇشەلەرىنىڭ قاتىسۋىمەن جيىن ءوتتى. جيىن بارىسىندا تاۋەلسىزدىك سىيى اكتسياسى وتكىزىلىپ, وبلىستىق كىتاپحاناعا كىتاپتار تابىس ەتىلدى. سونداي-اق, «تاۋەلسىز قازاقستان» پويىزى دەلەگاتتارىنىڭ قاتى­سۋىمەن قايىرىمدىلىق شارالارى ۇيىمداستىرىلدى. سونىمەن بىرگە دوس­تىق ۇيىندە ەتنومادەني ءبىر­لەستىكتەر مۇشەلەرىمەن, قالا تۇرعىندارىمەن كەزدەسىپ, قوعام­دىق قابىلداۋ جاسالدى. سىر وڭىرىنە كەلگەن «تاۋەل­سىز قازاقستان» پويىزى اكتسيا بارىسىندا استانا, ال­ماتى قالالارىنداعى عىلىمي ورتالىقتاردىڭ بىلىكتى ءدارى­گەرلەرى وبلىستىق كەڭەس بەرۋ دياگنوستيكالىق ورتالىعىندا جۇمىس جاسادى. انگيوحيرۋرگ, گاستروەنتەرولوگ, گەماتولوگ, كارديولوگ, نەۆرولوگ, ونكولوگ, تراۆماتولوگ, وفتالمولوگ, پۋلما­نولوگ, رەۆماتولوگ, ۋرولوگ, حي­رۋرگ, ەندوكرينولوگ مامان-ءدارى­گەرلەرى تاڭنان كەشكە دەيىن 162 ناۋقاسقا كەڭەس بەردى. اكتسيا باراسىندا 15 ناۋقاسقا استانا, ال­ماتى قالالارىنداعى عىلىمي ورتالىقتارعا جولداما بەرىلدى. «تاۋەلسىز قازاقستان» پويىزى رەسپۋبليكالىق اكتسياسىنىڭ ءىس-شارالارى اسقار توقماعامبەتوۆ اتىنداعى قالالىق مادەنيەت ۇيىندە گالا-كونتسەرتپەن قورى­تىندىلاندى. ەرجان بايتىلەس, «ەگەمەن قازاقستان» قىزىلوردا