العىرلار انىقتالدى

«نازارباەۆ ورتالىعىندا» تۇڭعىش پرەزيدەنت – ەلباسى قو­رى مەن مەملەكەتتىك ءتىلدى دا­مىتۋ قورى جاريالاعان «كىم بىلگىش؟» ينتەللەكتۋالدى-تا­نىم­دىق ويىنى بويىنشا جوعارى سىنىپتار اراسىندا وتكەن رەسپۋبليكالىق ونلاين-تۋر­نيردىڭ قورىتىندىسى شىعا­رىلدى. جوبانىڭ ماقساتى – دارىندى بالالاردى انىقتاۋ, وقۋشىلاردىڭ تانىمدىق قابى­لەتتەرىن ىنتالاندىرۋ, پاندىك بىلىمدەرىن تەرەڭدەتۋ, عىلىمعا دەگەن قىزىعۋشىلىعىن ارتتىرۋ, ءبىلىمدى ناسيحاتتاۋ, ين­تەللەكتۋال­دى مۇمكىندىكتەرىن دامىتۋعا ات­سالىسۋ, وقۋشى­لار­دىڭ بوس ۋا­قى­تىن ءتيىمدى ءو­تكىزۋگە ىقپال ەتۋ. «كىم بىلگىش؟» ويىنى سپورت, حح عاسىر, ءححى عاسىر, الەم, ونەر, قازاقستان تاريحى, قازاقستان تابيعاتى, دەنساۋلىق, عىلىم تاقى­رىپتارىنداعى 20 مىڭنان استام سۇراقتار جيناستىرىلعان ءموبيلدى قوسىمشادان تۇرادى.  «كىم بىلگىش؟» ينتەللەكتۋالدى ويىنى قاتىسۋشىلار ارا­سىنداعى سايىس تۇرىندە ءوتتى. ويىنشىلار التى كەزەڭ بويى ءتۇرلى ساناتتاعى سۇراقتارعا جاۋ­اپ بەردى. ويىن جەڭىمپازى دۇ­رىس جاۋاپتار سانى بويىن­شا انىقتالدى. تۋرنير ويىنشىنىڭ تاڭداۋىمەن قازاق نەمەسە ورىس تىلىندە وتكىزىلدى», دەيدى ۇيىمداستىرۋشىلار. وسىلايشا, قازاق تىلىندە وتكەن سايىستا 1-ورىندى شىمكەنت قالاسىنان كەلگەن نازارباەۆ زيات­كەرلىك مەكتەبىنىڭ  9-سىنىپ وقۋشىسى ەرنۇر اقجول جەڭىپ الدى.  ال 2-ورىنعا اقتوبە وبلىسى, تەمىر اۋدانى, كەڭقيا ورتا مەكتەبىنىڭ 9-سىنىپ وقۋشىسى ەرناز بايباقتى لايىق دەپ تانىلدى. جۇلدەلى 3-ورىنعا شىمكەنت قالاسى نازارباەۆ زيات­­كەرلىك مەكتەبىنىڭ 9-سىنىپ وقۋشىسى ەلامان لەسوۆ يە بولدى. ال ءورىستىلدى ويىنشىلاردان 1-ورىندى پاۆلودار وبلىسى, اقسۋ قالاسى №14 ورتا مەكتەبىنىڭ 9-سىنىپ وقۋشىسى دانيل كورچاگين قانجىعالادى. سەمەي قالاسىنان كەلگەن يننوۆاتسيالىق ءبىلىم ليتسەيىنىڭ 11-سىنىپ وقۋشىسى قايدار كەڭەسباەۆ 2-ورىندى ەنشىلەدى. پاۆلودار وبلىسى, اقسۋ قالاسى №14 ورتا مەكتەپتىڭ 9-سىنىپ وقۋشىسى يليا كارەپوۆ ءۇشىنشى ورىندى قاناعات تۇتتى. جۇلدەگەرلەر ديپلومدارمەن جانە باعالى سىي­لىقتار­مەن ماراپاتتالدى. شارا سوڭىن­دا جەڭىمپازدار ءتۋرنيردى ۇيىم­داستىرۋشىلارعا العىس ايتىپ, كەلەسى جىلعى جازعى دەمالىستا جوسپارلانعان ەكىنشى تۋرنيرگە قاتىسۋعا نيەتتەرىن ءبىلدىردى. ۇيىمداستىرۋشىلاردىڭ ايتۋىنشا, 2017 جىلى «كىم بىلگىش؟» ويىنى باعدارلاماسىنا اعىلشىن ءتىلى دە ەنگىزىلمەك. راۋان قايدار, «ەگەمەن قازاقستان»