قاۋىپسىزدىك جوباسى جالعاسۋدا

بۇدان بۇرىن ءبىر اي ۋاقىت بويى وبلىستىڭ 5 اۋدانىن­دا بولعان رەسپۋبليكالىق توپ قۇرامىندا 200-دەن استام ساراپشى, تەولوگ, ءارتۇرلى سالاداعى ماماندار جۇرتشىلىقپەن كەزدەسۋلەر وتكىزگەن ەدى. ولاردىڭ جۇمىسى اياقتالعاننان كەيىن ءوڭىر باسشىسى «حالىقتىڭ قاۋىپسىزدىگىن قامتاماسىز ەتۋ» جوباسىن وبلىستىڭ قالعان جەتى اۋدانى – قوبدا, مارتوك, ويىل, ىرعىز, قارعالى, ايتەكە بي جانە بايعانين وڭىرلەرىندە جەرگىلىكتى مامانداردىڭ كۇشىمەن جالعاستىرۋ جونىندە شەشىم قابىلداعان بولاتىن. 25 كۇن ىشىندە وبلىس بويىن­شا قۇرىلعان توپ مۇشەلەرى 54 مىڭنان استام جەرگىلىكتى تۇر­عىندى قامتىدى. ۇستىمىزدەگى جىلعى 10 قاراشادان 5 جەل­توق­سانعا دەيىنگى ارالىقتا «حالىق­تىڭ قاۋىپسىزدىگىن قامتاماسىز ەتۋ» جوباسى اياسىندا ايتەكە بي, بايعانين, ىرعىز, قارعالى جانە قوبدا اۋداندارىندا 93 شارا وتكىزىلدى. 4,8 مىڭداي جۇ­مىس­شىعا, ورتا ارناۋلى وقۋ ورىن­دارىنىڭ ستۋدەنتتەرىنە, مەك­تەپتەردىڭ وقۋشىلارى مەن مۇ­­عالىمدەرىنە ەكسترەميزم يدەو­­لو­گياسىنىڭ زياندىعى ءتۇسىن­دىرىلىپ, يسلامداعى حانافي مازحابى ءرولى اشىپ كورسەتىلدى. وقۋ ورىندارىنىڭ وقۋ­شىلارى مەن وقىتۋشىلارىنا سالافيزم مەن ۆاحابيزمگە تىيىم سالىپ, كوللەدجدەردىڭ وقۋ باعدارلاماسىنا ەكسترەميزم مەن تەررورشىلدىقتىڭ الدىن الۋ ءۇشىن ءدىنتانۋ ءپانىن ەنگىزۋ ۇسىنىلدى. ءداستۇرلى ەمەس ءدىني اعىمداردى ۇستانۋشىلارمەن كەزدەسۋلەر وتكىزىلىپ, ولار راديكالداردى ءوز باعىتتارىنان اينىتۋعا ىقپال ەتۋگە ءازىر ەكەندىكتەرىن ءبىل­دىردى. ءتورت مىڭداي اۋىل تۇرعىنى «ەسىگىمدى قاققان كىم؟» سپەكتاكلىن كوردى. ەكىنشى باعىت – «بيزنەس ورتانى دامىتۋ» باعدارلاماسى بويىنشا ويىل, ايتەكە بي, باي­عانين, ىرعىز, قارعالى اۋدان­دا­رىندا 3144 ادامدى قامتى­عان 71 شارا وتكىزىلدى, 898 ازامات­قا كەڭەس بەرىلدى. ماسەلەن, قار­عالىداعى «ىسقاقوۆا م» جك ەكى شاشتارازدى «جۇمىسپەن قامتۋدىڭ جول كارتاسى-2020» باعدارلاماسى بويىنشا ءبىلىم الۋ كۋرسىنا جىبەرسە, شارۋا قوجالىقتارىنىڭ جەتەكشىلەرى ءوز ىستەرىن دامىتۋعا نەسيە الۋ شارتتارى تۋرالى كەڭەس الدى. الەۋمەتتىك پروبلەمالار­دى شەشۋ باعىتى اياسىندا مارتوك, ويىل, ايتەكە بي, باي­عانين, ىرعىز اۋداندارىن­دا 10904 ادامدى قامتىعان 218 شارا وتكى­زىلدى, ولاردىڭ 1428-ىنە كومەك كور­سەتىلدى. ناق­تى ايتقاندا, 50 ادام تۇراق­تى جۇمىس ورىندارىنا يە بولدى. بۇدان باسقا, 15 قاي­ىرىم­­دىلىق اكتسياسى ۇيىم­داس­تىرىلىپ, 73 ادامعا 1 ميلليون تەڭگە كولەمىندە جاردەم جاسال­دى. 93 از قامتىلعان وتباسى 2017 جىلى «ورلەۋ» جوباسىنا قاتى­سۋعا تىلەك ءبىلدىردى. 5021 ادام پروفيلاكتيكالىق تەكسەرۋمەن قامتىلدى, وبلىستىق ەمحاناعا 128 ادام جىبەرىلىپ, 590 ادام تۇرعىلىقتى جەرى بويىنشا ەمدەۋ الدى, 13 ادامعا وپەراتسيا جاسالدى. ءتورتىنشى باعىت — «ءدىني ماسە­لەلەر» بويىنشا ايتەكە بي, باي­عانين, ىرعىز, قارعالى, قوبدا اۋداندارىندا 44 شارا ۇيىم­داستىرىلىپ, 4 ماقساتتى جۇمالىق ناماز وتكىزىلدى, سون­داي-اق, «ءشارىپ مولدا», «ءاليا» اۋدان­دىق مەشىتتەرىنىڭ قىز­مەتى, يمامداردىڭ جۇمىسى زەرت­تەلدى. «مەشىت ءتارتىبى» تاقى­رى­بىنا يمام­دار مەن مەشىت قىزمەت­كەر­لەرى ءۇشىن سەمينار-ترەنينگ ۇيىم­داستىرىلدى. الداعى ۋاقىتتا بۇل باعىتتاعى جۇمىس جاندانا تۇسەتىن بولادى. ساتىبالدى ءساۋىرباي, «ەگەمەن قازاقستان» اقتوبە وبلىسى