قازاقستان كينوسىنىڭ اپتالىعى

مينسكىدەگى «پوبەدا» كينوتەاترىندا قازاقستان رەسپۋبليكاسىنىڭ تۇڭعىش پرە­زيدەنتى كۇنى مەن تاۋەلسىزدىكتىڭ 25 جىل­­دىعىنا وراي «قازاقستان كي­نو­سىنىڭ اپتالىعى» ۇيىمداستىرىلدى. مادەني ءىس-شاراعا ۇلتتىق جي­نا­لىستىڭ دەپۋتاتتارى, مينس­كىدە اككرەديتتەلگەن ديپ­لوما­تيالىق وكىلدىكتەردىڭ باسشى­لارى, تمد اتقارۋ كوميتەتى مەن بەلارۋس پرەزيدەنتتىك كىتاپ­حا­ناسىنىڭ وكىل­دەرى, عىلىم ءجا­نە مادەنيەت قايراتكەرلەرى, قازاقستاننىڭ دوس­تار كلۋبىنىڭ ءمۇ­شەلەرى, ستۋدەنتتەر, سونىڭ ىشىندە قازاقستاندىق جانە قازاق دياس­پوراسىنىڭ بەل­سەندىلەرى قاتىستى. ءىس-شارانى سالتاناتتى تۇردە قازاقستاننىڭ توتەنشە جانە وكىلەتتى ەلشىسى ەرعالي بولەگەنوۆ اشىپ, ەلىمىزدىڭ تاۋەلسىزدىك جىلدارىندا جەتكەن جەتىستىكتەرى قازاق­ستان رەسپۋبليكاسىنىڭ تۇڭعىش پرەزيدەنتىنىڭ ەڭبەگىمەن تىكەلەي بايلانىستى ەكەنىن اتاپ ءوتتى. بەلارۋس مادەنيەت مينيس­ترىنىڭ ورىنباسارى يرينا دريگا جينالعان كورەرمەندەردى ايتۋلى مەرەكەمەن قۇتتىقتاپ, وسىنداي ءىس-شارالار ەكى مەملەكەت اراسىنداعى دوستىق بايلانىستار مەن مادەني ىنتى­ماقتاستىقتىڭ دامۋىنا سەپ­تىگىن تيگىزەتىنىن ايتتى. «قازاقستان كينوسى اپتا­لى­عىنىڭ» اشىلۋ سالتاناتىندا «جۇلدىزدار توعىسقاندا» ءفيلمى كورسەتىلدى. مادەني ءىس-شارا بارىسىندا قازاقستان پرەزيدەنتى ن.ءا.نازارباەۆتىڭ ءومىربايانى مەن ساياسي قىزمەتىن باياندايتىن «ەلباسى جولى» كينوەپوپەياسىنىڭ بارلىق بەس ءفيلمى, سونىمەن قاتار, رەجيسسەر اقان ساتاەۆتىڭ «اناعا اپارار جول» جانە «جاۋجۇرەك مىڭ بالا» فيلمدەرى كورسەتىلدى. ايتا كەتەتىن جايت, قازاقستان رەس­پۋب­ليكاسىنىڭ تۇڭعىش پرە­زي­دەنتى كۇنىنە وراي ۇيىمداس­تىرىلعان ءىس-شارالار باسقا دا مەملەكەتتەردە ءوتتى.