ەلباسى ۇكىمەت قۇرامىنا وزگەرىس ەنگىزۋدى ۇسىندى

بۇگىن جالپىۇلتتىق تەلەكوپىر بارىسىندا قر پرەزيدەنتى نۇرسۇلتان نازارباەۆ ساۋدانى ەلىمىزدىڭ سىرتقى ىستەر مينيسترلىگىنە بەرۋدى ۇسىندى. «بىرەۋلەر ەكسپورتپەن اينالىسۋى ءتيىس. ۇكىمەت ساۋدا قايدا, ينۆەستيتسيا قايدا بولۋى كەرەكتىگىن ايقىنداۋى ءتيىس. مۇنىمەن كىم اينالىسادى؟ مۇمكىن سىرتقى ىستەر مينيسترلىگى اۆستراليا, كانادا جانە باسقا دا ەلدەردەگىدەي سىرتقى ىستەر جانە ساۋدا مينيسترلىگى بولۋى كەرەك شىعار. ال يندۋستريا مينيسترلىگى يندۋستريامەن اينالىسۋى قاجەت قوي. ەگەر يننوۆاتسيا بولسا, وندا يننوۆاتسيامەن. اركىم ءوز ىسىمەن اينالىسۋى قاجەت. ايتپەسە, ءىس ونبەيدى. ءبىز ءوزىمىزدىڭ وتە ماڭىزدى جۇمىسىمىزدى ءۇزىپ الماۋعا ءتيىسپىز», – دەدى ەلباسى. بۇل رەتتە قازاقستان پرەزيدەنتى قارجىلاندىرۋ ماسەلەسى دە اسا ماڭىزدى ەكەندىگىنە توقتالدى. حالىقارالىق تاجىريبە قارجىلاندىرۋ بولماعان جاعدايدا بارىنشا ءمىنسىز جاسالعان ستراتەگيانىڭ ءوزى ءىس ونبەيتىندىگىن كورسەتكەندىگىن باسا ايتتى. «ءبىز يندۋستريالاندىرۋدى قولداۋعا باعىتتالعان رەسۋرستاردى جىل سايىن ۇلعايتىپ وتىرۋعا ءتيىس ەكەندىگىمىزدى اتاپ وتكەن ورىندى. ماسەلەن, اگرارلىق سەكتور بيۋدجەت شىعىستارىنىڭ 4,5 پايىز قولداۋىن الا وتىرىپ ەل ءجىو-گە نەبارى 5 پايىز بەرەدى. كولىك پەن كوممۋنيكاتسيالار 8,3 پايىز بەرەدى, تۇرعىن ءۇي-كوممۋنالدىق شارۋاشىلىق 6,8 پايىز بيۋدجەتتى شىعىندايدى. ال بۇل ورايدا ەل ءجىو-ءنىڭ 16 پايىزىن بەرەتىن ونەركاسىپ پەن قۇرىلىس بيۋدجەت شىعىستارىنىڭ 0,6 پايىزىنا عانا قارجىلاندىرىلادى», – دەدى نازارباەۆ.