ءاليحان اقبەردى – قازاق كۇرەسىنەن «تايقازان» جۇلدەسىنىڭ جەڭىمپازى

تاراز مەملەكەتتىك پەداگوگيكالىق ينستيتۋتىنىڭ 2-كۋرس ستۋدەنتى ءاليحان اقبەردى قازاق كۇرەسىنەن جاستار اراسىندا «تايقازان» جۇلدەسى ءۇشىن وتكەن جارىستا التىن مەدالعا يە بولدى. بۇل تۋرالى تارمپي-دىڭ اقپاراتتىق-يميدجدىك قىزمەتى حابارلادى. ەل تاۋەلسىزدىگىنىڭ 25 جىلدىعىنا وراي ۇيىمداستىرىلعان جارىسقا ەلىمىزدىڭ بارلىق وڭىرىنەن 156 بالۋان قاتىستى. جالپىكوماندالىق ەسەپتە جامبىل وبلىسىنىڭ سپورشىلارىنا تەڭ كەلەر ەشكىم تابىلمادى. 100 كەلى سالماق دارەجەسىندە بەلدەسكەن ءاليحان اقبەردى جارىس جولىندا الماتى قالاسى مەن جامبىل وبلىسىنىڭ بالۋاندارىمەن كۇش سىناستى. فينالدا ول جەرلەسى ن. جۇماحاننان باسىم ءتۇستى. «ءاليحان ۇلتتىق سپورت تۇرىمەن ءتورت جىلدان بەرى اينالىسادى. بۇگىندە قازاق كۇرەسىنەن سپورت شەبەرلىگىنە ۇمىتكەر. ول بۇعان دەيىن بىرنەشە دودالاردا جەڭىمپاز اتانعان. الداعى ۋاقىتتا دا تالاي قارسىلاسىن شاڭ قاپتىراتىنىنا سەنىمدىمىن», – دەدى جاتتىقتىرۋشىسى ماقسات ىزتىلەۋوۆ. ايتا كەتەيىك, ءاليحان بۇعان دەيىن قازاق كۇرەسىنەن رەسپۋبليكالىق «جاس بارىس» تۋرنيرىندە 2-ورىن, ع. ساپارعاليەۆتى ەسكە الۋعا ارنالعان قازاق كۇرەسىنەن رەسپۋبليكالىق تۋرنيردە 3-ورىن جانە رەسپۋبليكالىق «ايبىن» اسكەري پاتريوتتىق جاستار جيىنىندا كۇمىس مەدالدى جەڭىپ العان. جاسوسپىرىمدەر اراسىنداعى حالىقارالىق دارەجەدەگى سپورت شەبەرى.