قازاقستان رەسپۋبليكاسى تۇڭعىش پرەزيدەنتىنىڭ مۋزەيىندە تاۋەلسىزدىگىمىزدىڭ 25 جىلدىعىنا ارنالعان XII رەسپۋبليكالىق بالالار شىعارماشىلىعى بايقاۋىنىڭ «گرافيكا. لينوگراۆيۋرا» اتالىمى بويىنشا «تۋعان جەرىم» اتتى كورمەسىنىڭ اشىلۋى ءوتتى.
بالالار شىعارماشىلىعىنا ارنالعان «تۋعان جەرىم» رەسپۋبليكالىق بايقاۋى جىل سايىن تۇڭعىش پرەزيدەنت مۋزەيىنىڭ «بالالىق شاقتان كوزقاراس» اتتى بالالار جوباسىنىڭ اياسىندا, استانا قالاسىنىڭ يۋنەسكو كلۋبى – بالالار كوركەمونەر مەكتەبىمەن بىرلەسىپ وتكىزىلەدى.
العاش رەت 2004 جىلىوتكىزىلىپ, قازىرگى ۋاقىتتا جوبا كەڭەيتىلۋىن جالعاستىرۋدا جانە ودان ءارى ماڭىزدى بولا باستادى. بايقاۋعا 10-16 جاس ارالىعىنداعى كوركەمسۋرەت مەكتەپتەرىندە جانە ونەر مەكتەبىنىڭ كوركەمسۋرەت بولىمىندە وقيتىن, وقۋشىلار سارايىنىڭ شىعارماشىلىق ۇيىرمەلەرىندە جانە بەينەلەۋ ونەرى ستۋديالارىندا ءتالىم الاتىن بالالار قاتىسىپ, جىل سايىن كونكۋرس شارتتارى بويىنشا ورىندالۋ تەحنيكاسى ۇيىمداستىرۋ كوميتەتىمەن دەربەس كەلىسىلەدى.
قاتىسۋشىلار قازىلار القاسىنىڭ نازارىنا كەسكىندەمە تەحنيكاسى, ءمۇسىن جانە ءارتۇرلى ماشىقتا ورىندالعان ساندىك-قولدانبالى ونەر تۋىندىلارىن ۇسىندى. اعىمداعى جىلى, سايىستىڭ شارتىنا سايكەس, «گرافيكا جانە لينوگراۆيۋرا» مانەرىندە ورىندالعان بالالاردىڭ كوركەم شىعارماشىلىعى باعالاندى. گرافيكالىق جۇمىستار ادەتتە ءوزىنىڭ ىقشامدىلىعىمەن جانە ايرىقشا سۇلۋلىعىمەن ەرەكشەلەنەدى.
گرافيكالىق جۇمىستار ورىندالۋى جاعىنان الۋان ءتۇرلى, سەبەبى – تۋىندىلار كومىرمەن, تۋشپەن, سانگينامەن جانە ت.ب. جاسالعان. سۋرەتشىلەرگە كوپتەگەن بەينەلەۋ مۇمكىندىكتەرىن بەرەتىن, لينولەۋمگە ويىپ بەدەرلەنگەن بەينە-لينوگراۆيۋرا ەرەكشە قىزىعۋشىلىق تانىتادى. ءداستۇر بويىنشا, سايىس جەڭىمپازدارىنا ارنالعان ءار ايماقتاردان كەلگەندەرگە شەبەرلىك-سىنىپتار ۇيىمداستىرىلادى. بۇل ءحىى سايىسقا قازاقستاننىڭ بارلىق ايماقتارىنان 250-دەن اسا جۇمىستار كەلىپ ءتۇستى.
بالالار شىعارماشىلىعىنا ارنالعان «تۋعان جەرىم» رەسپۋبليكالىق بايقاۋ قورىتىندىسى بويىنشا, قازىلار القاسىنىڭ شەشىمىمەن باس جۇلدەلەردى – ديانا يبراگيموۆا (الماتى قالاسى), يننەسا فاتىحوۆا (رۋدنىي قالاسى), مەدينا امىرعازينا (وسكەمەن قالاسى) يەلەنسە, سونداي-اق باسقا دا جاس شەبەرلەر ارنايى ديپلومدارمەن ماراپاتتالدى.
بەرىك سادىر, "ەگەمەن قازاقستان".
سۋرەتتەردى تۇسىرگەن ورىنباي بالمۇرات
