قاراشادا كۇنكورىستىڭ ەڭ تومەنگى دەڭگەيى 21 158 تەڭگەنى قۇرادى

نەگىزگى تاماق ونىمدەرىن تۇتىنۋدىڭ ەڭ تومەنگى نورمالارىنان ەسەپتەلگەن ورتا ەسەپپەن حالىقتىڭ جان باسىنا شاققانداعى كۇنكورىستىڭ ەڭ تومەنگى دەڭگەيىنىڭ شاماسى 2016 جىلعى قاراشادا وتكەن ايمەن سالىستىرعاندا 9,8% تومەندەدى, 2015 جىلعى قاراشامەن – 8,5%-عا جوعارىلادى. ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى 21,2%, ءسۇت, ماي جانە توڭ ماي ونىمدەرى مەن جۇمىرتقانى – 17,8%, جەمىستەر مەن كوكونىستەردى – 9,2%, نان جانە جارما ونىمدەرىن – 9%, قانت, شاي جانە دامدەۋىشتەردى – 2,8%-دى قۇرادى. ەڭ تومەنگى كۇنكورىس دەڭگەيى – مولشەرى بويىنشا ەڭ تومەنگى تۇتىنۋ قورجىنىنىڭ قۇنىنا تەڭ, ءبىر ادامعا قاجەتتى ەڭ تومەنگى اقشالاي تابىس. ەڭ تومەنگى تۇتىنۋ قورجىنى ادام تىرشىلىگىن قامتاماسىز ەتۋگە قاجەتتى تاماق ونىمدەرىنىڭ, تاۋارلار مەن كورسەتىلەتىن قىزمەتتەردىڭ زاتتاي جانە قۇندىق كورىنىستەگى ەڭ تومەنگى جيىنتىعى بولىپ تابىلادى. ول ازىق-ت ۇلىك قورجىنىنان جانە ازىق-ت ۇلىك ەمەس تاۋارلار مەن اقىلى قىزمەتتەرگە جۇمسالاتىن شىعىستاردىڭ بەكىتىلگەن ۇلەسىنەن تۇرادى. كۇنكورىستىڭ ەڭ تومەنگى دەڭگەيىن ەسەپتەۋگە ارنالعان از تۇتىنىلاتىن ازىق-ت ۇلىك ەمەس تاۋارلار مەن كورسەتىلەتىن قىزمەتتەرگە جۇمسالاتىن شىعىستاردىڭ ۇلەسى ەڭ تومەنگى تۇتىنۋ قورجىنى قۇنىنىڭ 40 پايىزدىق مولشەرىندە بەلگىلەنگەن.