ەلباسى جىلۋ وقشاۋلاعىش قوسپالار زاۋىتىن ىسكە قوستى

بۇگىن جالپىۇلتتىق تەلەكوپىر بارىسىندا ەلباسى نۇرسۇلتان نازارباەۆ استانادا جىلۋ وقشاۋلاعىش قوسپالار شىعاراتىن زاۋىتتى ىسكە قوستى. ونىڭ ءونىمى ورتالىق ازيا نارىعىنا شىعارىلادى دەپ جوسپارلانۋدا. «قۇرمەتتى پرەزيدەنت مىرزا! پولشانىڭ سەلەنا كومپانياسىنىڭ بۇكىل الەمدە, ونىڭ ىشىندە ەۋروپا, وڭتۇستىك امەريكا جانە ازيادا 15 وندىرىستىك كاسىپورنى بار. بۇگىن ءبىز استاناداعى زاۋىت ولاردىڭ قاتارىنداعى ەڭ زاماناۋي ەكەندىگىن ايرىقشا ماقتانىشپەن ايتامىز. ءبىزدىڭ ءونىمىمىز - ۇيلەردىڭ جىلۋىن وقشاۋلاۋعا ارنالعان زاماناۋي قوسپالار. ءونىمنىڭ 40 پايىزى ورتالىق ازيا مەن رەسەيگە ەكسپورتقا شىعارىلاتىن بولادى», - دەدى سەلەنا توبىنىڭ پرەزيدەنتى كشيشتوف دومارەتسكي. بۇل وندىرىستە قىزمەت ەتەتىن 70 ادامنىڭ باسىم بولىگى پولشادا وقىپ كەلدى. «اعىمداعى جىلى مەن پولشاعا ساپار جاسادىم. ءبىزدىڭ كەلىسسوزدەرىمىزدە ىنتىماقتاستىعىمىزدى ودان ارى دامىتۋ ماسەلەلەرى كوتەرىلدى. بۇل وتە جاقسى ۇلگى بولارلىق جايت. ءبىزدىڭ ۇكىمەتىمىز بەن جەرگىلىكتى اتقارۋشى ورگاندارىمىز بيزنەستەرىڭىزگە, قۇرىلىس جۇمىستارىڭىزعا كومەك كورسەتۋدە», - دەدى ەلباسى. سۋرەتتى تۇسىرگەن ەرلان وماروۆ, "ەگەمەن قازاقستان".