ەۋرازيالىق بانك باسشىسى اۋىستى

مايكل ەگگلتون «ەۋرازيالىق بانك» اق باسقارما توراعاسى قىزمەتىنەن كەتتى, دەپ حابارلايدى قازاقپارات. قازاقستاندىق قور بيرجاسىندا (KASE) جاريا بولعان مالىمەتتەر بويىنشا, مايكل ەگگلتوننىڭ وكىلەتى شۇعىل تۇردە بيىلعى جىلدىڭ 2 جەلتوقسانىنا دەيىن توقتاتىلعان بولاتىن. 5 جەلتوقسانان باستاپ, بانكتىڭ باسقارما توراعاسى لاۋازىمىنا پاۆەل لوگينوۆ سايلاندى. مايكل ەگگلتون بانكتى 2009 جىلدان بەرى باسقارىپ كەلدى. بانكتىڭ 100 پايىز اكتسيالارى «ەۋرازيالىق قارجى كومپانياسى» اق-نا تيەسىلى. ەۋرازيالىق بانك - بارلىق سەگمەنتتەر بويىنشا كليەنتتەرگە ونىمدەر مەن قىزمەتتەرىن ۇسىناتىن امبەباپ بانك. ونىڭ نەگىزى 1994 جىلى قالاندى جانە قازاقستاننىڭ بارلىق وڭىرلەرىندە وكىلدىكتەرى جۇمىس ىستەيدى جانە ماسكەۋدە ەنشىلەس بانكى بار. سونداي-اق فيليالدارى ءنوۆوسىبىر, ومسك جانە چەليابى قالالارىندا ورنالاسقان. بانكتىڭ S&P سوڭعى رەيتينگى بويىنشا بولجامى «تۇراقتى» بولدى.