استاناعا گاز قۇبىرى قىزىلوردادان تارتىلۋى مۇمكىن

استاناعا گاز قۇبىرى قىزىلوردادان تارتىلۋى مۇمكىن, دەپ حابارلادى قازاقپارات. «گاز جانە گازبەن جابدىقتاۋ سالاسىنداعى ۇلتتىق وپەراتور «قازترانسگاز» اق استانا قالاسىن جانە گاز قۇبىرىنىڭ بويىندا ورنالاسقان ەلدى مەكەندەردى گازداندىرۋ ءۇشىن ءتيىستى جۇمىستاردى اتقارۋدا. وسى ورايدا «بەينەۋ-بوزوي-شىمكەنت» ماگيسترالدى گاز قۇبىرىنان كىزىلوردا – جەزقازعان – قاراعاندى – تەمىرتاۋ – استانا باعىتى تۇرعىسىندا «سارىارقا» گاز قۇبىرىن سالۋ جوباسى بويىنشا تەحنيكالىق ەكونوميكالىق نەگىزدەمەنى (تەن) ازىرلەپ جاتىر», – دەپ اتاپ وتىلگەن مينيسترلىك مالىمەتىندە. اتاپ ايتقاندا, نەگىزدەمەنى ازىرلەۋ وسى جىلدىڭ سوڭىنا دەيىن اياقتالادى دەپ جوسپارلانۋدا جانە ونىڭ ناتيجەسى بويىنشا وسى تەن ءۇشىن بەرىلەتىن «مەملەكەتتىك ساراپتاما» رمك-نىڭ قورىتىندىسى بويىنشا بۇل جوبانى ودان ءارى ىسكە اسىرۋ تۋرالى شەشىم قابىلداناتىن بولادى. ايتا كەتەيىك, مەملەكەت باسشىسى وسىعان دەيىن استاناعا عاز قۇبىرىن تارتۋدى تاپسىرعان بولاتىن. بۇل رەتتە ەلوردانى گازبەن قامتاماسىز ەتۋ بويىنشا ءتۇرلى جوبالار قارالىپ جاتقاندىعى حابارلانعان ەدى.