ۇلكەن الماتى اينالما جول قۇرىلىسى باستالادى

2017 جىلى ۇلكەن الماتى اينالما اۆتوكولىك جولىنىڭ قۇرىلىسى باستالادى. بۇل تۋرالى بۇگىن ۇكىمەت وتىرىسىندا ينۆەستيتسيالار جانە دامۋ ءمينيسترى جەڭىس قاسىمبەك ءمالىم ەتتى. قازىرگى كەزدە «السيم الاركو-ماكيول-س-كوررەيانەكسپرەسسۆەي» كونسورتسيۋمىمەن كەلىسىمشارتتىق كەلىسسوزدەر جۇرگىزىلىپ جاتىر. جوبانىڭ شامالانعان قۇنى 350,7 ملرد. تەڭگەدەن اسادى. ەسەپتەۋلەر بويىنشا, ۇلكەن الماتى اينالما اۆتوموبيل جولى 2021 جىلعا دەيىن سالىنىپ بىتەدى. «الماتى-قورعاس» (باتىس ەۋروپا – باتىس قىتاي) اۆتوجولىنىڭ ۋچاسكەسىندە اۆتوموبيل وتكىزۋ بەكەتىنىڭ ينفراقۇرىلىمىن قۇرۋ جوباسىنا «Eurotransit Terminal» جشس جەكە سەرىكتەسى باستاما بىلدىرگەن. ونىڭ شامالانعان قۇنى 75 ملرد. تەڭگە. ساراپشىلاردىڭ وڭ قورىتىندىسىن العان جاعدايدا ونىڭ قۇرىلىسىن كەلەسى جىلى اياقتاۋ كوزدەلىپ وتىر. اينالما اۆتوجول قۇرىلىسىنىڭ تاعى ەكى جوباسىن 2019-2023 جىلدارى وڭتۇستىك قازاقستان وبلىسىندا مەملەكەتتىك-جەكەشەلىك ارىپتەستىك اياسىندا جۇزەگە اسىرۋ كوزدەلىپ وتىر, دەپ اتاپ ءوتتى سپيكەر. ارنۇر اسقار, "ەگەمەن قازاقستان".