جەكەمەنشىك بالاباقشا تاربيەشىلەرىن مەملەكەتتىك بيۋدجەتتەن وقىتۋ قاراستىرىلۋدا

قازاقستاندا 2017-2019 جىلداردا 154,5 مىڭ ورىنعا 1 630 مەكتەپكە دەيىنگى مەكەمەنى اشۋ جوسپارلانۋدا, ونىڭ ىشىندە 154,5 مىڭ ورىنعا شاقتالعان 970 جەكەمەنشىك ۇيىم اشىلماق. بۇل تۋرالى ۇكىمەت وتىرىسى كەزىندە قر ءبىلىم جانە عىلىم ءمينيسترى ەرلان ساعاديەۆ باياندادى. ە.ساعاديەۆتىڭ ايتۋىنشا, قازىرگى كەزدە 9 407 مەكتەپكە دەيىنگى مەكەمە جۇمىس ىستەيدى, ولاردىڭ ىشىندە جەكەمەنشىكتىڭ ۇلەسىنە 2 413 نەمەسە تورتتەن ءبىر بولىگى تيەسىلى. 2016 جىلى مەكتەپكە دەيىنگى ۇيىمدار جەلىسى 811 بىرلىككە ارتتىرىلدى, ونىڭ ىشىندە ءمجا تەتىكتەرىن قولدانۋ ەسەبىنەن 1,3 مىڭ ورىنعا شاقتالعان 7 بالاباقشا اشىلدى. جەكەمەنشىك مەكتەپكە دەيىنگى مەكەمەلەر سانى 10 ەسەگە ارتىپ, 100 ملرد. تەڭگەدەن استام جەكە ينۆەستيتسيا مەكتەپكە دەيىنگى تاربيە مەن ءبىلىم جۇيەسىن دامىتۋعا جۇمسالدى. قازىرگى كەزدە كونتسەسسيالىق جوبالاردى باسقارۋ ءۇشىن 14 ءمجا ايماقتىق ورتالىقتارى قۇرىلدى. قر بعم اقپاراتىنا سايكەس, مەملەكەتتىك تاپسىرىستى بالالاردىڭ ناقتى بولۋىمەن بايلانىستىرماۋ بويىنشا مەكتەپكە دەيىنگى مەكەمەلەرگە مەملەكەتتىك تاپسىرىس بەرۋ ەرەجەلەرىنە وزگەرىستەر ەنگىزىلدى. بۇل اتالعان مەكەمەلەرگە عيماراتتى ۇستاۋ, پەرسونال ەڭبەكاقىسى بويىنشا شىعىنداردى تولەۋگە مۇمكىندىك بەرەدى. زاڭنامالىق نەگىزدە جەڭىلدىكتەر ۇسىنۋ ماسەلەسى رەتتەلدى. - اتاپ ايتقاندا, كورپوراتيۆتىك سالىق الىنبايدى, جەر سالىعىنىڭ مولشەرلەمەسى 10 ەسەگە تومەندەتىلدى, م ۇلىككە سالىناتىن سالىق سالىقتىق بازاعا 0,1% مولشەرلەمەسىندە ەسەپتەلەدى. جەكەمەنشىك بالاباقشالاردىڭ تاربيەشىلەرىن مەملەكەتتىك بيۋدجەت ەسەبىنەن وقىتۋ ماسەلەسى پىسىقتالۋدا. جالپى, «كونتسەسسيالار تۋرالى» جانە «مەملەكەتتىك-جەكەشەلىك ارىپتەستىك تۋرالى» قر زاڭدارى اياسىندا جەرگىلىكتى اتقارۋشى ورگاندار ءبىلىم بەرۋ سالاسىندا جالپى سوماسى 65,3 ملرد. تەڭگەگە بالاباقشالار, مەكتەپتەر مەن كوللەدجدەر قۇرىلىسىنا قاتىستى ءمجا 99 جوباسى بويىنشا جۇمىستار جۇرگىزۋدە, دەپ اتاپ ءوتتى ە.ساعاديەۆ. ارنۇر اسقار, "ەگەمەن قازاقستان".