ءىرى ينتەرنەت-كومپانيالار جەلىدەگى لاڭكەستىكپەن كۇرەسپەك

ەڭ ءىرى ءتورت ينتەرنەت-كومپانيا - Facebook, Microsoft, Twitter جانە YouTube بىرىگىپ ينتەرنەتتەگى لاڭكەستىكپەن كۇرەسەتىندەرىن مالىمدەدى, دەپ حابارلادى ريا نوۆوستي. ء"بىزدىڭ كونتەنتتە لاڭكەستىكتى ناسيحاتتاۋعا جول جوق. بىزگە مۇنداي حابار كەلسە, ءبىز سول كونتەنتكە قارسى كومپانيانىڭ ساياساتىنا بايلانىستى شارالار قولدانامىز", دەيدى كومپانيالار. بۇگىننەن باستاپ ولار ۆيدەونىڭ ساندىق يدەنتيفيكاتورلارىمەن ءوزارا الماسا باستايدى. ول لاڭكەستەردىڭ ءوز جاعىنا ادام تارتۋ مۇمكىندىكتەرىنىڭ الدىن الۋ ءۇشىن جاسالماق. سول ارقىلى لاڭكەستەرگە بايلانىستى جازبالار دا انىقتالىپ وتىرادى جانە ينتەرنەتتەن وسى سيپاتتاعى اقپاراتتى تابۋعا دا سەپتىگى تيەدى دەپ جوسپارلانۋدا. ءبىر ايتا كەتەرلىگى, كومپانيالار تۇتىنۋشىلاردىڭ جەكە اقپاراتتارىمەن دە الماسىپ وتىراتىن بولادى. اتالعان تورت كومپانيانىڭ بىرلەسكەن جۇمىسى لاڭكەستىك كونتەتتىڭ تاراۋى بارىسىندا وزدەرىنىڭ دە جازاعا تارتىلماۋى ءۇشىن جاسالىپ وتىر. سونىمەن قاتار ولار بىرىگىپ بيلىك تاراتىپنان بولاتىن قىسىمعا قارسى تۇرماق. سەبەبى قازىر اقش كونگرەسىندە الەۋمەتتىك جەلىلەردىڭ مازمۇنىن باقىلاۋ مۇمكىندىكتەرى قاراستىرىلىپ جاتقانى بەلگىلى.