«28 پانفيلوۆشى» ءفيلمى پروكاتتا كوش باستاپ تۇر

قازاقستان مەن رەسەي بىرلەسىپ تۇسىرگەن «28 پانفيلوۆشى» ءفيلمى پروكاتتا كوش باستاپ تۇر, دەپ حابارلادى «قازاقفيلم» ءباسپاسوز قىزمەتى. ەل اۋماعىندا العاشقى اپتاداعى ەسەپ بويىنشا 30 ميلليوننان استام قارجى جينالدى. قىسقا مەرزىمنىڭ ىشىندە مول قارجى جيناۋىنا قاراعاندا كورەرمەندەر اراسىندا تانىمال بولىپ وتىر. كورەرمەندەر قىزىعۋشىلىنىڭ ارتۋىنا بايلانىستى ءفيلمنىڭ ەكىنشى اپتاداعى پروكاتى تابىستى بولادى دەپ كۇتىلۋدە. ايتا كەتەيىك, «28 پانفيلوۆشى» كوركەم ءفيلمىن قازاقستان رەسپۋبليكاسى مادەنيەت جانە سپورت مينيسترلىگى, ش.ايمانوۆ اتىنداعى «قازاقفيلم» اق, رەسەي فەدەراتسياسى مادەنيەت مينيسترلىگى قاتىسۋىمەن «28 پانفيلوۆشى» تاۋەلسىز ستۋدياسى (سانكت-پەتەربۋرگ, رەسەي) تۇسىرگەن. گەنەرال پانفيلوۆتىڭ 316-شى اتقىشتار ديۆيزياسىنىڭ 28 جاۋىنگەرى تۋرالى تۇسىرىلگەن ءفيلمنىڭ نەگىزگى سوماسىن كراۋدفاندينگ ارقىلى جيناعان. رەسەيلىك «كينوزالدارداعى كورسەتىلىمدەر تۋرالى ماعلۇماتتى بەرەتىن فەدەرالدى بىرىڭعاي اۆتوماتتاندىرىلعان اقپاراتتىق جۇيەنىڭ» اقپاراتى بويىنشا 30 قاراشاعا «28 پانفيلوۆشى» ءفيلمىنىڭ رەسەيدەگى كورسەتكىشى 209,8 ملن. ءرۋبلدى قۇراپ, 878 944 كورەرمەن كورگەن.