ەسىرتكى ساتىپ ەسىرگەندەر

قىزىلوردالىق قۇقىق قورعاۋشىلاردىڭ نازارىنا گازەتكە ورالعان دۇنيەنى الدەكىمگە ساتىپ جاتقان ازامات­تىڭ ارەكەتى سەزىكتى كورىنەدى. تەكسەرە كەلە, گازەتكە ورالعان زاتتان وزىندىك ءيىسى بار ۇنتاق سەكىلدى نارسە تابىلادى. الگى ونى 2 مىڭ تەڭگەگە ساتىپ تۇر ەكەن. سودان جاڭاعى زاتتى قۇقىق قورعاۋ ورگان­دارىنىڭ قىزمەتكەرلەرى تاركىلەيدى. تاركى­لەنگەن زاتقا ءتيىستى ساراپتاما تاعايىندالىپ, ءناتي­جەس­ىندە بىرىنەن 3,31 گرامدى جانە ەكىنشىسىنەن 4,0 گرامدى قۇرايتىن «كەپتىرىلگەن ماريحۋانا» شىققان. ۇستالعان ازاماتتىڭ ءۇيىن تەكسەرۋ بارىسىندا تاعى 1 جارىم كيلوگرامعا جۋىق ەسىرتكى زاتى تابىلدى. ونى كۇدىكتى ءۇي اۋلاسىنداعى جەرتولەگە پوليەتيلەن پاكەتكە وراپ تىعىپ قويعان. زاتقا ساراپتاما تاعايىندالىپ, جالپى سالماعى 1 كيلو 260 گرامم «كەپتىرىلگەن ماريحۋانا» ەكەندىگى انىقتالعان. قازىرگى تاڭدا وعان قاتىستى قىلمىستىق ءىس قوزعالدى. كۇدىكتى سىرداريا اۋداندىق ىشكى ىستەر ءبولىمىنىڭ ۋاقىتشا ۇستاۋ اباقتاسىنا قاماۋعا الىندى. ءتيىستى سوتقا دەيىنگى تەرگەپ-تەكسەرۋ امالدارى جۇرگىزىلىپ, باسقا دا قىلمىستارعا قاتىستىلىعى انىقتالۋدا. ءدال وسىنداي فاكت 16 اقپان كۇنى دە تىركەلگەن. ەسىرتكى زاتىن ساۋدالاپ تۇرعان جەرىنەن 1968 جىلى تۋعان بەسارىق اۋىلىنىڭ تۇرعىنى ۇستالدى. وقيعا ورنىنان ايعاق زات رەتىندە 2 دانا گازەت قيىندىسىنا ورالعان جاسىل ءتۇستى وزىنە ءتان ءيىسى بار زات الىندى. بەلگىسىز زاتقا ساراپتاما تاعايىندالىپ, 5,39 گرامم جانە 5,83 گرامم قۇرايتىن «كەپتىرىلگەن ماريحۋانا» ەكەندىگى انىقتالدى. ول دا قاماۋدا وتىر. قىزىلوردا