تاياۋدا ورىن العان وسىناۋ قايعىلى وقيعانى انىقتاۋ باتىس قازاقستان وبلىستىق ىشكى ىستەر دەپارتامەنتىنىڭ ءىز كەسۋشىلەرى مەن تەرگەۋشىلەرىنىڭ جانقيارلىق ەڭبەكتەرىنىڭ ارقاسىندا مۇمكىن بولدى. جان تۇرشىگەرلىك وقيعاعا قاتىستى ادامداردىڭ ەسىمدەرى ادەپ تۇرعىسى بويىنشا وزگەرتىلىپ الىندى. 2009 جىلعى 23 قىركۇيەك كۇنى ورال قالالىق ىشكى ىستەر باسقارماسىنىڭ اباي پوليتسيا بولىمىنە م. ەسىمدى ازاماتشا ارىزدانا كەلدى. 21 قىركۇيەك كۇنى ساعات 20.50-دە ورال قالاسىنداعى ۇيىنەن شىعىپ كەتكەن ح.دوسمۇحامەدوۆ اتىنداعى اتىراۋ ۋنيۆەرسيتەتىنىڭ ستۋدەنتى, 1981 جىلى تۋعان اقمارال ەسىمدى ءسىڭلىسىنىڭ ۇيگە قايتىپ ورالماعانىن باياندادى. وبلىستىق ءىىد جانە ورال قالاسى ءىىب كريمينالدىق پوليتسيا قىزمەتكەرلەرى دەرەۋ ىزدەستىرۋ ءىس-شارالارىن باستادى. ونىڭ بارىسىندا حابار-وشارسىز جوعالعان اقمارالدىڭ قىلمىستىڭ قۇربانى بولعان دەگەن توقتامعا كەلەتىندەي جاعدايلار انىقتالدى. ويتكەنى, جوعالعان قىز 21 قىركۇيەكتەن بەرى نە ۇيىنە, نە وقۋ ورنىنا كەلمەگەن, قۇربى قىزدارىنىڭ نە تۋىستارىنىڭ بىرىنە حابارلاسپاعان. وسى جاعدايلاردى ەسكەرە وتىرىپ, ورال قالاسىنىڭ ءىىب اقمارالدىڭ حابار-وشارسىز جوعالۋىنا بايلانىستى قىلمىستىق كودەكستىڭ 96-بابى, 1-ءبولىمى بويىنشا قىلمىستىق ءىس قوزعادى. تەرگەۋ بارىسىندا اقمارالدىڭ 21 قىركۇيەكتىڭ كەشىندە ءجاميلا ەسىمدى قۇربىسىمەن “بالتيكا” كافەسىندە وتىرىپ, قايرات جانە ارمات ەسىمدى ەكى جىگىتپەن تانىسقانى, ولاردىڭ قىزداردى دوستىق داڭعىلىندا ورنالاسقان جالدامالى پاتەرگە كەشتى جالعاستىرۋعا شاقىرعانى انىقتالدى. پاتەردە جىگىتتەر قىزدارعا تيىسە باستاعاننان كەيىن ءجاميلا ارماتتان تاكسيگە دەيىن شىعارىپ سالۋدى ءوتىنىپ, قۇربىسىن قايراتتىڭ قاسىندا قالدىرىپ, ءوزى تايىپ تۇرادى. وسىمەن ءبارى اياقتالعان سياقتى, بىراق تەرگەۋ-تەكسەرۋ ءىس-شارالارى كەزىندە قىزداردى تاكسيگە: ءجاميلانى قىزىل ماشينەگە وتىرعىزىپ جىبەردىك دەگەن ارمات پەن قايراتتىڭ كريميناليستىك ەسەپتە تۇرعانى انىقتالدى. ەكەۋىنىڭ بەرگەن جاۋاپتارىنا بايلانىستى اقمارال ءمىنىپ كەتكەن اق ءتۇستى “فولكسۆاگەن-پاسسات” اۆتوكولىگىنىڭ جۇرگىزۋشىسىن ىزدەۋ باستالدى. الايدا, قايرات پەن ارمات جالعان سويلەپ, تەرگەۋدى قاتە باعىتقا بۇرىپ وتىر ما دەگەن دە كۇدىك تۋدى. سەنىمسىزدىك تۋعىزۋعا تىڭشىلاردىڭ كاسىبي بىلىكتىلىگى مەن كوپ جىلعى تاجىريبەلەرى جانە كۇدىكتى جىگىتتەردى جەكە زەرتتەۋ بارىسىندا انىقتالعان وبەكتيۆتى فاكتىلەر سەپتىگىن تيگىزدى. ارماتتىڭ كامەلەتكە تولماعانداردىڭ ۇيالى تەلەفونىن توناۋعا قاتىسى بار ەكەنى, ال قايراتتىڭ باسقا ءبىر قىزدى زورلاپ, ۇيالى تەلەفونىن توناۋ بويىنشا بۇرىننان ەسەپتە تۇرعانى انىقتالدى. البەتتە, بۇل قىلمىستىق ءىس زەردەلەنىپ, ءبىر كومەگى تيەر دەگەن ويمەن بۇرىنعى جابىرلەنۋشى مارينادان جاۋاپ الىندى. قايرات مارينانى دا جالدامالى پاتەردە زورلاپ, ۇيالى تەلەفونىن تارتىپ العان, سوسىن بۋىندىرىپ تۇنشىقتىرعان. پاتەردەن جالاڭاش كۇيىندە قاشىپ شىققان مارينا كورشىلەردەن كومەك سۇراپ, ءولىم اۋزىنان قالعان. سوندىقتان دا بارلىق كۇش اقمارالدى قايرات پەن ارماتتان باسقا ەشكىم ولتىرگەن جوق دەگەن باستى نۇسقا بويىنشا جۇمىستانۋعا جۇمسالدى. ولار جالداعان پاتەردى ءتىنتۋ جانە پاتەر يەسىن جاۋاپتاۋ بارىسىندا پاتەردەن قىزدىڭ دەنەسىن وراپ, الىپ شىعۋى مۇمكىن دەگەن قالىڭ توسەك-ورىن جاپقىشتىڭ, كورپەنىڭ جانە ۇلكەن قارا پاكەتتىڭ جوعالعانى بەلگىلى بولدى. سونداي-اق, ەكى جاقتى جاۋاپ الۋ جولىمەن كۇدىكتىلەردىڭ قىزداردى شىعارىپ سالعاننان كەيىن “دوستارىمىزدىڭ ۇيىندە تۇنەدىك” دەگەن جالعان اليبيلەرى جوققا شىعارىلدى. پوليتسيانىڭ زاماناۋي مۇمكىندىكتەرىنىڭ كومەگىمەن ءىز-ءتۇزسىز جوعالعان اقمارالدىڭ “نوكيا-5070” ۇيالى تەلەفونى تابىلىپ, تاركىلەندى. ەندى تەك ەكى سۇراققا عانا جاۋاپ تابۋ كەرەك ەدى: اقمارالدىڭ دەنەسى قانداي كولىكپەن جانە قايدا اپارىپ جاسىرىلدى؟ جەدەل شارالاردىڭ ارقاسىندا كۇدىكتىلەردىڭ تاڭ اتقانعا دەيىن تانىسى قانىبەكتىڭ اۆتوكولىگىمەن جۇرگەنى انىقتالدى. وكىنىشكە وراي, قانىبەك ۇستىمىزدەگى جىلعى 10 قازاندا اسكەري مىندەتىن وتەۋ ءۇشىن الماتى وبلىسىنا جول ءجۇرىپ كەتكەن. دەرەۋ سول جەرگە كريمينالدىق پوليتسيا قىزمەتكەرلەرى ىسساپارعا جىبەرىلدى. ولارعا ىشكى ىستەر مينيسترلىگىنىڭ الماتى وبلىسى بويىنشا اسكەري-تەرگەۋ باسقارماسىنىڭ جانە №97617 اسكەري ءبولىمىنىڭ باسشىلىعى مەن قىزمەتكەرلەرى كوپ كومەك كورسەتكەن. وسىنىڭ ارقاسىندا قىلمىسكەرلەردىڭ قىزدىڭ دەنەسىن شىعارۋعا قايراتتىڭ اعاسىنىڭ “ۆاز-2106” اۆتوكولىگىن پايدالانعانى بەلگىلى بولدى. وزدەرىنىڭ ءىس-ارەكەتتەرىن مويىنداماي, بارىنشا تىرىسىپ باققان كۇدىكتىلەردىڭ اسا اۋىر قىلمىستى جاساعاندارى اشكەرەلەنىپ, ولاردى ۇستاپ, قاماۋعا الاتىن ءسات تە تۋدى. ۇستالعانداردى جاۋاپتاۋ بارىسىندا ولاردىڭ اقمارالدى زورلاعانى جانە تۇنشىقتىرىپ ولتىرگەنى بەلگىلى بولدى. جاساعان قىلمىستارىنىڭ ءىزىن جاسىرۋ ءۇشىن قىزدىڭ دەنەسىن توسەك جاپقىش پەن كورپەگە وراپ, زەلەنوۆ اۋدانى بەلەس اۋىلى اۋماعىنداعى ورمان القاپتارىنىڭ بىرىندە بەنزين قۇيىپ, قىز دەنەسىن ورتەپ جىبەرگەن. كۇنى-ءتۇنى جۇرگەن تەرگەۋ-ىزدەستىرۋ جۇمىستارىنىڭ ارقاسىندا قىزدىڭ كۇلگە اينالعان مۇردەسى تابىلدى. ەكى اياقتى جاۋىزداردىڭ قىلمىسى بۇلتارتپاي دالەلدەنىپ, مويىندارىنا قويىلدى. فاتيحوللا ماشتاقوۆ, بقو ءىىد ءباسپاسوز قىزمەتىنىڭ باستىعى, پوليتسيا پولكوۆنيگى. باتىس قازاقستان وبلىسى.
سوڭعى جاڭالىقتار
ەرتەڭ ەلىمىزدىڭ بىرقاتار وڭىرىندە ءتۇمان ءتۇسىپ, بوران سوعادى
اۋا رايى • كەشە
ءجۇرسىن ەرمان: جاڭا كونستيتۋتسيا – ەلدىڭ, حالىقتىڭ ءۇمىتى
اتا زاڭ • كەشە
كونستيتۋتسيالىق رەفورماعا كوزقاراس: قوعامنىڭ پىكىرى قانداي؟
اتا زاڭ • كەشە
