استانادا سارىارقا اۋدانى اكىمىنىڭ ورىنباسارى ۇستالدى

استانا قالاسى سارىارقا اۋدانى اكىمىنىڭ ورىنباسارى ر.اكچۋرين ۇستالدى, دەپ حابارلايدى قازاقپارات. «ر.اكچۋرين استانا قالاسى اكىمدىگىنە قاراستى «استانا تازالىق» جشس-نىڭ باس ديرەكتورى ا.باسقانباەۆپەن قىلمىستىق ىمىراعا كەلە وتىرىپ, «سبس-سناب-سەرۆيس» جانە «Install Service Com» جاۋاپكەرشىلىگى شەكتەۋلى سەرىكتەستەرىن قۇرعان جانە 2016 جىلى 1,8 ملرد. تەڭگە سوماعا  كوشەنى تازالاۋ جانە سانيتارلىق تازارتۋعا ارنالعان مەملەكەتتىك ساتىپ الۋلار كونكۋرسىن جەڭىپ الۋلارىن زاڭسىز قامتاماسىز ەتىىپ, زاڭسىز تابىس العاندىعى انىقتالدى», - دەلىنگەن قازاقستاننىڭ ۇلتتىق جەمقورلىققا قارسى ءىس-قيمىل بيۋروسى تاراتقان اقپاراتتا. سونىمەن قاتار ول وزىنە باعىنىشتى كومپانيالاردىڭ مۇددەسىنە ساي شەشىم شىعارىپ الۋ ءۇشىن اكىمدىكتىڭ لاۋازىمدى تۇلعالارىنا بىرنەشە مارتە پارا بەرگەن. قازىرگى ۋاقىتتا ر.اكچۋرين  قر قىك 128-بابىنا سايكەس استانا قالالىق ءىىد-ءنىڭ ۋاقىتشا وقشاۋلاعىشىنا قامالدى. سوتقا دەيىنگى تەرگەۋ امالدارى جۇرگىزىلۋدە. وسى وقيعاعا بايلانىستى اتالعان اۋدان اكىمى ارمان تۇرلىبەك استاناداعى سارىارقا اۋدانى اكىمىنىڭ ورىنباسارى اكىمدىكتە كوپ جىلدان بەرى قىزمەت ەتكەنىن ايتتى. "بۇل جاعداي جايلى قازىر عانا ءبىلدىم. ازىرشە ءمان-جايىن ايتا المايمىن, سەبەبى بىلمەيمىن. بۇل ادام اكىمدىكتە كوپ جىلدان بەرى قىزمەتتە, وسىنى عانا ايتا الامىن", - دەدى ورىنباسارىنىڭ ۇستالۋىنا قاتىستى ارمان تۇرلىبەك.