5 قاڭتارعا ارنالعان اۋا رايى

بۇگىن قازاقستان تەرريتورياسىنىڭ باسىم بولىگىندە قۇبىلمالى اۋا رايى ساقتالىپ, اتموسفەرالىق فرونتالدىق بولىكتەردىڭ وتۋىنە بايلانىستى كەي جەرلەردە قار جاۋادى, ەلدىڭ وڭتۇستىك بولىگىندە جاۋىن-شاشىن بولادى. كەي جەرلەردە تۇمان, كوكتايعاق بولىپ, جەل  كۇشەيەدى. بۇل تۋرالى قر ءىىم تجك ءباسپاسوز قىزمەتى حابارلايدى. اقمولا وبلىسىنىڭ باسىم بولىگىندە تۇندە جەلدىڭ جىلدامدىعى 15-20 م/س-عا دەيىن جەتەدى, كەي جەرلەرىندە ەكپىنى 23-28 م/س, كۇندىز كەي جەرلەرىندە 15-20 م/س-عا دەيىن كۇشەيەدى. كەي جەرلەرىندە بۇرقاسىن, كوكتايعاق, تۇمان كۇتىلەدى. قاراعاندى وبلىسىنىڭ كەي جەرلەرىندە تۇمان, كوكتايعاق, بۇرقاسىن بولىپ, تۇندە كەي جەرلەرىندە جەلدىڭ جىلدامدىعى 15-20 م/س-عا دەيىن جەتەدى. پاۆلودار وبلىسىنىڭ كەي جەرلەرىندە بۇرقاسىن, كوكتايعاق كۇتىلەدى, تۇندە كەي جەرلەردە جەلدىڭ جىلدامدىعى 17-22 م/س-عا دەيىن جەتەدى, كۇندىز كەي جەرلەرىندە جەلدىڭ جىلدامدىعى 15-20 م/س-عا دەيىن كۇشەيەدى. قوستاناي, شىعىس قازاقستان وبلىستارىنىڭ كەي جەرلەرىندە بۇرقاسىن, كوكتايعاق بولىپ, جەلدىڭ جىلدامدىعى 15-20 م/س-عا دەيىن جەتەدى, تۇندە قوستاناي وبلىسىندا جەلدىڭ ەكپىنى 23 م/س-عا دەيىن كۇشەيەدى. الماتى وبلىسىنىڭ كەي جەرلەرىندە تۇمان بولىپ, كۇندىز جالاڭاشكول اۋدانىندا جەلدىڭ جىلدامدىعى 18-23 م/س-عا دەيىن جەتەدى, ەكپىنى 28 م/س. جامبىل, وڭتۇستىك قازاقستان, قىزىلوردا, اتىراۋ, باتىس قازاقستان وبلىستارىنىڭ  كەي جەرلەرىندە تۇمان, كوكتايعاق بولىپ, جامبىل وبلىسىندا, كۇندىز باتىس قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س-عا دەيىن كۇشەيەدى. اقتوبە وبلىسىنىڭ كەي جەرلەرىندە جاياۋ بۇرقاسىن, تۇمان بولىپ, جەلدىڭ جىلدامدىعى 18 م/س-عا دەيىن كۇشەيەدى. سولتۇستىك قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س-عا دەيىن كۇشەيىپ, تۇندە كەي جەرلەرىندە بۇرقاسىن كۇتىلەدى. ماڭعىستاۋ وبلىسىنىڭ كەي جەرلەرىندە تۇمان كۇتىلەدى.