جوعارى تەحنولوگيالى فەرما

وندا ساعاتىنا 150 سيىر ساۋىلادى شىعىس قازاقستان ءسۇت ءوندى­رۋدەن ەلىمىزدە جەتەكشى ءوڭىر سانالادى. وبلىستاعى تاۋارلى ءسۇت فەرمالارىن قۇرۋ جو­باسى اتالعان سالاداعى الە­ۋەتتى ودان ءارى نىعايتۋعا باعىت­تالىپ وتىر. سوڭعى جىلدارى شەمونايحالىقتار دا ءسۇت ءوندى­رىسىن دامىتۋعا ەرەكشە ۇلەس قوسىپ كەلەدى. اۋداندا كەيىنگى ەكى جىلدا 4 تاۋارلى ءسۇت فەرماسى قايتا جوندەۋدەن ءوتتى. اسىل تۇقىمدى ءمۇيىزدى ءىرى قارا سانىن ارتتىرۋعا باسىمدىق بەرىلدى. شەمونايحا اۋدانىنىڭ كا­مىشينكا اۋىلىندا جاڭا تاۋارلى ءسۇت فەرماسى اشىلدى. ەل تاۋەلسىزدىگىنىڭ 25 جىلدى­عى­نا وراي ىسكە قوسىلعان زاماناۋي فەرما 620 باس ساۋىن سيىر ۇستاۋعا ارنالعان. «پاراللەل» جۇيەسىندەگى ساۋىن زالى­نىڭ وندىرىستىك قۋاتى ساعا­تىنا 150-گە جۋىق سيىردى جەدەل ساۋ مۇمكىندىگىنە يە. ال تاۋلىگىنە 1200 سيىر ساۋىلا­دى. كەشەن گەرمانيادان جەت­كى­­زىل­­­گەن «GEA» جوعارى تەح­نو­­لو­­­گيا­­لى قۇرالدارىمەن جاب­دىق­­­تال­­­عان. بارلىق جۇمىس كومپيۋ­­تەر­­دىڭ, تەحنيكانىڭ جانە اۆ­تو­مات­تاندىرىلعان جۇيە­نىڭ كومەگى­مەن جۇرگىزىلەدى. «كامى­شينسكوە» شارۋا قو­جا­لىعى­نىڭ جە­تەكشىسى ۆلاديمير اكۋلوۆ­تىڭ ايتۋىنشا, فەرماعا جەكە قاراجات ەسەبىنەن 181 ميلليون تەڭگە جۇمسالعان. قۇرىلىس جۇمىستارى التى ايدا اياقتالدى. كەلە­شەكتە وسى ىسپەتتى 340 باسقا ار­نالع­ان تاعى ءبىر جاڭا فەرمانى پاي­دا­لانۋعا بەرۋ جوسپارلانىپ وتىر. جاڭا فەرمانىڭ اشىلۋ سال­تانا­تىنا ەلىمىزدىڭ ءار تۇكپى­رى­نەن بەلگىلى اگروونەركاسىپ وكىل­­­­دەرى كەلدى. ولاردىڭ قاتا­رىن­دا قازاقستاننىڭ ەڭبەك ەرى, «رودينا» اگروفيرماسى» جشس ديرەك­تورى يۆان ساۋەر دە بار. يۆان اداموۆيچ كا­مى­­شينكا تۇر­­عىن­دارىنىڭ ەر­تەدەن ەڭبەك­قور­لى­عىمەن ەرەكشەلەنەتىنىنە, ءوندى­رىس قارقىنىن ەش ۋاقىتتا تومەن­دەت­پەگەنىنە سۇيسىنەتىنىن اتاپ ءوتتى. – ساۋىن سيىرعا بارلىق جاع­داي جاسالعان زاماناۋي كەشەن­نىڭ اشىلۋى ءوڭىر ەكونوميكاسى ءۇشىن وتە ماڭىزدى. ازىرگە ەلىمىزدە ءدال وسى ىسپەتتى جوعارى تەحنولوگيالى فەرمانى كەزدەستىرگەن جوقپىن, – دەدى ول. «كامىشينسكوە» شارۋا­شى­لىعىنىڭ ءسۇت شيكىزاتى كۇندەلىكتى «شىعىس-ءسۇت», «ەميل», «يستوك» سياقتى وڭىردەگى ءىرى ءسۇت وڭدەۋشى كاسىپورىندارعا جونەلتىلەدى. قازىرگى تاڭدا شارۋاشىلىق­تا 6023 باس ءمۇيىزدى ءىرى قارا بولسا, ونىڭ ىشىندە 2100 سا­ۋىن سيىر بار. بىلتىر­ 11 ايدا 12700 توننا ءسۇت, 750 توننا ەت وندىرگەن. شارۋاشىلىق «اگروبيزنەس-2020» باعدار­لا­ماسى اياسىندا وتكەن جىلى 400 ميلليون تەڭگەگە جۋىق سۋبسيديا الدى. اتاپ ايتقاندا, ءبىرىنشى ساناتتى سۇتكە – 317 ميلليون تەڭگە, ەت وندىرگەنى ءۇشىن – 44 ميلليون تەڭگە, تۇرلەندىرۋ جۇمىستارى ءۇشىن 35 ميلليون تەڭگە سۋبسيديا الىپ وتىر. ساعاتىنا 4 توننا ءونىم شىعارۋ قۋاتىنا يە قۇراماجەم زاۋىتى جۇمىس ىستەيدى. سونداي-اق, اۋىل شارۋاشىلىعى باعىتىن­داعى 18 مىڭنان استام گەكتاردى قۇرايتىن القاپتى يگەرىپ كەلەدى. ەگىستىك سالاسىنداعى بيۋدجەتتىك سۋبسيديا تۇرىندەگى مەملەكەتتىك قولداۋ 52 ميلليون تەڭگەگە جەتتى. سوڭعى ءۇش جىلدىڭ ىشىندە عانا شارۋاشىلىق ماشينا-تراكتور پاركىن جاڭعىرتىپ, ەڭ وزىق وندىرۋشىلەردەن 20 دانادان استام اۋىلشارۋاشى­لىق تەحنيكالارىن ساتىپ الدى. كامىشينكا اۋىلى الەۋمەت­تىك ينفراقۇرىلىمى مەن وندىرىستىك دامۋى جاعىنان دا, حالىقتىڭ ءال-اۋقاتىن جاقسارتۋدا دا ءبىر­قا­تار جەتىستىكتەرگە جەتتى. كەيىنگى 5 جىلدا ءبىلىم بەرۋ, دەنساۋ­لىق ساقتاۋ, سۋ قۇبىرلارى مەن جولداردى جوندەۋ, ەلدى مەكەندى كورىكتەندىرۋ جۇمىستارىنا بيۋدجەتتەن 185 ميلليون تەڭگەدەن استام قاراجات جۇمسالدى. بۇل رەتتە «كامىشينسكوە» شارۋا قوجالىعى دا الەۋمەتتىك نىسان­داردى جوندەۋ جۇمىستارى مەن جاڭا قۇرىلىستارعا قولداۋ كور­سەتىپ, قارجىلاندىرىپ كەلەدى. بۇل كۇنى ۆ.اكۋلوۆ «اتا­مەكەن» ۇلتتىق كاسىپكەرلەر پالا­تاسىنىڭ اتىنان ەكونوميكا مەن كاسىپكەرلىكتى دامىتۋعا سىڭىرگەن قىزمەتى ءۇشىن ءىى دارەجەلى «ادال ەڭبەگى ءۇشىن» مەدالىمەن ماراپاتتالدى. سونداي-اق, شەمونايحا اۋدانىنىڭ اكىمى امانگەلدى توقتاروۆ پەن شىعىس قازاقستان وبلىسى ءماسليحاتىنىڭ حاتشىسى ۆلاديمير گولوۆاتيۋك اۋىل تۇرعىندارىن قۇتتىقتاپ, تابىس تىلەدى. جيىنعا «كامىشينسكوە» شارۋاشىلىعىندا ۇزاق جىل جۇمىس ىستەگەن ەڭبەك ارداگەرلەرى دە قاتىستى. ماسەلەن, يرينا اگافونوۆا 30 جىلدان استام ساۋىنشى بولسا, نيكولاي چەرە­پانوۆ 47 جىل ءومىرىن وسى شارۋا­شىلىقتى وركەندەتۋگە ارناعان ەكەن. ولار جاڭا كەشەننىڭ تۇ­ساۋكەسەر لەنتاسىن قيدى. دۋمان اناش, «ەگەمەن قازاقستان» شىعىس قازاقستان وبلىسى, شەمونايحا اۋدانى سۋرەتتەردى تۇسىرگەن عىلىمبەك ءسابيتوۆ