قازاقستان رەسپۋبليكاسى ۇكىمەتىنىڭ قاۋلىسى №862

قازاقستان رەسپۋبليكاسى ۇكىمەتىنىڭ 2016 جىلعى 27 جەلتوقسانداعى №862 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر 1. «الەۋمەتتىك اۋدارىمداردى ەسەپتەۋ جانە اۋدارۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2004 جىلعى 21 ماۋسىمداعى №683 قاۋلىسىندا (قازاقستان رەسپۋبليكاسىنىڭ ءپۇاج-ى, 2004 ج., № 25, 323-قۇجات): كورسەتىلگەن قاۋلىمەن بەكىتىلگەن الەۋمەت­تىك اۋدا­رىمداردى ەسەپتەۋ جانە اۋدارۋ ەرە­جە­سىندە: 3-تارماقتىڭ ەكىنشى بولىگى مىناداي رەداكتسيادا جازىلسىن: «ءوزىن ءوزى جۇمىسپەن قامتىعان ادامدار ءۇشىن ولاردىڭ الاتىن تابىسى الەۋمەتتىك اۋدارىمداردى ەسەپتەۋ وبەكتىسى بولىپ تابىلادى. بۇل رەتتە ءوزىن ءوزى جۇمىسپەن قامتىعان ادام­نىڭ الاتىن تابىسى «مىندەتتى الەۋ­مەتتىك ساقتاندىرۋ تۋرالى» قازاقستان رەسپۋب­ليكاسىنىڭ زاڭى 15-بابىنىڭ 2-تارماعىندا بەلگىلەنگەن مولشەرلەر شەگىندە, بىراق سالىق كودەكسىنە سايكەس سالىق سالۋ ماقساتىندا ايقىندالاتىن تابىستان اسپايتىن ءوز پايداسىنا الەۋمەتتىك اۋدارىمدار ەسەپتەۋ ماقساتىندا وزدەرى دەربەس ايقىندايتىن سوما بولىپ تابىلادى.»; 7-تارماقتىڭ ەكىنشى بولىگى مىناداي رەداكتسيادا جازىلسىن: «تولەۋشىلەردىڭ بانكتەرگە جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدارعا (بۇدان ءارى – بانكتەر) الەۋمەتتىك اۋدارىمداردى قولما-قول اقشا نىسا­نىندا ەنگىزۋى «تولەمدەر جانە تولەم جۇيە­لەرى تۋرالى» قازاقستان رەسپۋبلي­كاسى­نىڭ زاڭىندا بەلگىلەنگەن تارتىپپەن جۇزەگە اسىرىلادى.»; 10-تارماقتىڭ ەكىنشى بولىگى الىپ تاستالسىن; 25-تارماق مىناداي رەداكتسيادا جازىلسىن: «25. تولەۋشىگە قىزمەت كورسەتەتىن بانك ەلەكتروندىق تولەم تاپسىرمالارىن رەسىمدەۋ كەزىندە قاتە جىبەرگەن جاعدايدا, بانك «ءتو­لەمدەر جانە تولەم جۇيەلەرى تۋرالى» قازاق­ستان رەسپۋبليكاسىنىڭ زاڭىنا سايكەس جىبە­رىلگەن قاتەلەردى تۇزەتۋ جونىندە شارالار قابىلدايدى.». 2. «بىرىڭعاي جيناقتاۋشى زەينەتاقى قورى­نان تولەنەتىن مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن قالىپتاسقان زەينەتاقى جيناقتارىنان زەينەتاقى تولەمدەرىن جۇزە­گە اسىرۋ قاعيدا­لارىن جانە زەينەتاقى تولەم­دەرىنىڭ مولشەرىن ەسەپتەۋدى جۇزەگە اسىرۋ ادىستەمەسىن بەكىتۋ تۋرالى» قازاقستان رەسپۋب­ليكاسى ۇكىمەتىنىڭ 2013 جىلعى 2 قازان­داعى №1042 قاۋلىسىندا (قازاقستان رەسپۋب­­لي­كاسىنىڭ ءپۇاج-ى, 2013 ج., №58, 791-قۇجات): كورسەتىلگەن قاۋلىمەن بەكىتىلگەن بىرىڭعاي جيناقتاۋشى زەينەتاقى قورىنان تولەنەتىن مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى ەسەبىنەن قالىپتاسقان زەينەتاقى جيناقتارىنان زەينەت­اقى تولەمدەرىن جۇزەگە اسىرۋ قاعيدا­لارىندا: 8-تارماق مىناداي رەداكتسيادا جازىلسىن: «8. قازاقستان رەسپۋبليكاسىنان تىس جەرلەرگە تۇراقتى تۇرۋعا كەتكەن زەينەتاقى جيناق­تارى بار شەتەلدىكتەر مەن ازاماتتىعى جوق ادامدار وزدەرى ءوتىنىش جاساعان كەزدە بجزق-عا: 1) ءوتىنىش; 2) ەگەر قازاقستان رەسپۋبليكاسى راتيفي­كاتسيالاعان حالىقارالىق شارتتاردا وزگەشە كوزدەلمەسە, شەتەلدىك پاسپورتتىڭ كوشىرمەسىن جانە سالىستىرىپ تەكسەرۋ ءۇشىن تۇپنۇسقاسىن; 3) الۋشىنىڭ بانك شوتى تۋرالى مالىمەت­تەردى ۇسىنادى. جوعارىدا كورسەتىلگەن قۇجاتتاردى العان كەزدە بجزق قازاقستان رەسپۋبليكاسىنىڭ مەملەكەتتىك ورگاندارىنىڭ اقپاراتتىق جۇيە­لەرىنەن ءوتىنىش جاساعان شەتەلدىكتە نەمەسە ازاماتتىعى جوق ادامدا قازاقستان رەسپۋب­ليكاسىنىڭ ۋاكىلەتتى ورگانى بەرگەن قازاقستان رەسپۋبليكاسى ازاماتىنىڭ جەكە كۋالىگى نە شەتەلدىكتىڭ قازاقستان رەسپۋبليكاسىندا تۇرۋعا ىقتيارحاتىنىڭ نە ازاماتتىعى جوق ادامنىڭ كۋالىگىنىڭ بار-جوعى جانە ونىڭ جارامدىلىعى تۋرالى مالىمەتتەردى سۇراتادى. ءوتىنىش جاساعان شەتەلدىكتىڭ نەمەسە ازامات­تىعى جوق ادامنىڭ قازاقستان رەسپۋب­ليكاسىنان تىس جەرلەرگە تۇراقتى تۇرۋعا كەتۋىنە بايلانىستى قازاقستان رەسپۋب­ليكاسىنىڭ ۋاكىلەتتى ورگانى بەرگەن قازاقستان رەسپۋبليكاسى ازاماتىنىڭ جەكە كۋالىگىنىڭ نە شەتەلدىكتىڭ قازاقستان رەسپۋب­ليكاسىندا تۇرۋعا ىقتيارحاتىنىڭ نە ازاماتتىعى جوق ادامنىڭ كۋالىگىنىڭ جارام­سىزدىعى تۋرالى مالىمەتتەر الىنعان جاعدايدا بجزق وسى قاعيدالاردىڭ 19-تار­ماعىندا بەلگىلەنگەن مەرزىمدەردە زەينەتاقى تولەمىن جۇزەگە اسىرادى. قازاقستان رەسپۋبليكاسىنىڭ ۋاكىلەتتى ورگانى بەرگەن قازاقستان رەسپۋبليكاسى ازاماتىنىڭ جەكە كۋالىگىنىڭ نە شەتەلدىكتىڭ قازاقستان رەسپۋبليكاسىندا تۇرۋعا ىقتيار­حاتىنىڭ نە ازاماتتىعى جوق ادامنىڭ كۋالىگىنىڭ بار ەكەندىگى جانە ونىڭ جارامدى­لىعى تۋرالى مالىمەتتەر الىنعان, سونداي-اق ءوتىنىش جاساعان شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋب­لي­كاسىنان تىس جەرلەرگە تۇراقتى تۇرۋعا كەتكەنى تۋرالى مالىمەتتەر بولماعان جاعدايدا بجزق ءوتىنىشتى وسى قاعيدالاردىڭ 18-تارماعىندا بەلگىلەنگەن مەرزىمدەردە ونى قابىلداۋدان نە ورىنداۋدان باس تارتادى.». 3. «مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن ەسەپتەۋ, ۇستاپ قالۋ (ەسەبىنە جازۋ) جانە بىرىڭعاي جيناقتاۋشى زەينەتاقى قورىنا اۋدارۋ جانە ولار بويىنشا ءوندىرىپ الۋ قاعيدالارى مەن مەرزىمدەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 18 قازانداعى №1116 قاۋلىسىندا (قازاقستان رەسپۋبليكاسىنىڭ ءپۇاج-ى, 2013 ج., №60, 828-قۇجات): كورسەتىلگەن قاۋلىمەن بەكىتىلگەن مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن ەسەپتەۋ, ۇستاپ قالۋ (ەسەبىنە جازۋ) جانە بىرىڭعاي جيناقتاۋشى زەينەتاقى قورىنا اۋدارۋ جانە ولار بويىنشا ءوندىرىپ الۋ قاعيدالارى مەن مەرزىمدەرىندە: 5-تارماقتىڭ 3) تارماقشاسى مىناداي رەداكتسيادا جازىلسىن: «3) ادۆوكاتتار, جەكە سوت ورىنداۋشىلارى, جەكە نوتاريۋستار, كاسىبي مەدياتورلار, سونداي-اق دارا كاسىپكەرلەر ءۇشىن – الاتىن تابىسى. بۇل رەتتە مىندەتتى زەينەتاقى جارنالارىن ەسەپتەۋ ماقساتتارى ءۇشىن ادۆوكاتتار, جەكە سوت ورىنداۋشىلارى, جەكە نوتاريۋستار, كاسىبي مەدياتورلار, سونداي-اق دارا كاسىپكەرلەر ءۇشىن الىناتىن تابىس زاڭنىڭ 25-بابىنىڭ 4-تارماعىندا بەلگىلەنگەن مولشەرلەر شەگىن­دە, بىراق سالىق كودەكسىنە سايكەس سالىق سالۋ ماقساتتارى ءۇشىن ايقىندالاتىن تابىستان اسپايتىن, ولار دەربەس ايقىندايتىن سوما بولىپ تابىلادى. تابىس بولماعان جاعدايدا ادۆوكاتتار, جەكە سوت ورىنداۋشىلارى, جەكە نوتاريۋس­تار, كاسىبي مەدياتورلار, سونداي-اق دارا كاسىپكەرلەر رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ تومەنگى جالاقى مولشەرىنەن 10 پايىز ەسەبىندە بجزق-عا ءوزىنىڭ پايداسىنا مىندەتتى زەينەتاقى جارنالارىن تولەۋگە قۇقىلى;»; 8-تارماق مىناداي رەداكتسيادا جازىلسىن: «8. ەگەر وسى تارماقتىڭ ەكىنشى بولىگىندە وزگەشە كوزدەلمەسە, اگەنت مىندەتتى زەينەتاقى جارنالارىن اۋدارۋدى قولما-قول اقشاسىز تولەمدەر ارقىلى جۇرگىزەدى. بانكتەردە جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردا (بۇدان ءارى – بانكتەر) شوتتارى جوق ادۆوكاتتار, جەكە سوت ورىنداۋشىلارى, جەكە نوتاريۋستار, كاسىبي مەدياتورلار, سونداي-اق دارا كاسىپكەرلەر وسى قاعيدالاردىڭ 9-تارماعىندا ايقىندالعان تارتىپپەن مىندەتتى زەينەتاقى جارنالارىن كەيىننەن بجزق-عا اۋدارۋ ءۇشىن ولاردى بانككە قولما-قول اقشامەن ەنگىزەدى. مىندەتتى زەينەتاقى جارنالارىن قولما-قول اقشامەن نە قولما-قول ەمەس ءتاسىل­مەن تولەۋ بانكتەر ارقىلى «تولەمدەر جانە تولەم جۇيەلەرى تۋرالى» قازاقستان رەسپۋب­ليكاسىنىڭ زاڭىندا ايقىندالعان تارتىپپەن جۇزەگە اسىرىلادى.»; 12-تارماق مىناداي رەداكتسيادا جازىلسىن: «12. مىندەتتى زەينەتاقى جارنالارىن مەملە­كەتتىك كورپوراتسياعا اۋدارعان كەزدە اگەنت ءۇش دانادا قاعاز جەتكىزگىشتەگى تولەم تاپسىرماسىن جانە ەكى دانادا جەكە تۇلعا­لاردىڭ ءتىزىمىن بانككە ۇسىنادى. تولەم تاپسىرماسىنىڭ ءبىرىنشى داناسى مەن ءتىزىمنىڭ ءبىرىنشى داناسى بانكتە قالادى, تولەم تاپسىر­مالارىنىڭ ەكىنشى جانە ءۇشىنشى دانالارى مەن ءتىزىمنىڭ ءبىر داناسى بانكتىڭ قابىلداعانى تۋرالى بەلگىمەن اگەنتكە قايتارىلادى. جەكە تۇلعالاردىڭ ءتىزىمى ءاربىر جەكە تۇلعا بويىنشا: جەكە سايكەستەندىرۋ ءنومىرىن (بۇدان ءارى - جسن), تەگىن, اتىن, اكەسىنىڭ اتىن (بار بولسا), تۋعان كۇنىن, جارنا سوماسىن جانە مىندەتتى زەينەتاقى جارنالارى اۋدارىلاتىن كەزەڭدى (ايدى, جىلدى) قامتيدى. ارنايى سالىق رەجيمىن قولداناتىن اگەنتتەر, شارۋا نەمەسە فەرمەر قوجالىقتارى مىندەتتى زەينەتاقى جارنالارىن مەملەكەتتىك كورپوراتسياعا سالىق كودەكسىندە كوزدەلگەن تارتىپپەن جانە مەرزىمدەردە مت-102 فورما­­­تىنداعى ءبىر تولەم تاپسىرماسىمەن «ااجججج» فورماتىندا مىندەتتى زەينەت­اقى جارنالارى تولەنەتىن كەزەڭدەردى (اي/ايلار, جىل) كورسەتە وتىرىپ, اۋدارادى. اگەنتتەر مىندەتتى زەينەتاقى جارنالارىن ۋاقتىلى اۋدارماعان جاعدايدا جەكە تۇلعالاردىڭ ءتىزىمىن قوسا بەرە وتىرىپ, مت-102 فور­ماتىنداعى تولەم تاپسىرماسىن قالىپتاستىرۋ ارقىلى اۋدارۋ ءاربىر اي ءۇشىن جەكە جۇرگىزىلەدى. اگەنتتەر مىندەتتى زەينەتاقى جارنالارى اۋدارىلاتىن كەزەڭدى تولەمدەر بانك شوتىن اشپاي جۇرگىزىلگەن كەزدە «كەزەڭ» دەگەن جولدا, تولەمدەر اگەنتتىڭ بانك شوتىنان اقشانى ەسەپتەن شىعارۋ جولىمەن جۇرگىزىلگەن كەزدە «تولەمنىڭ ماقساتى» دەگەن باعاندا, ال مت-102 فورماتىنداعى ەلەكتروندىق تولەم تاپسىرمالارىندا «رەكىوو» دەگەن نەگىزگى سوزدە كوزدەلگەن «ااجججج» فورماتىندا قاعاز جەتكىزگىشتەردە جاسالاتىن تولەم قۇجاتتارىندا كورسەتەدى.».