قازاقستاننىڭ 5 وڭىرىندە جولدار جابىلدى

3 قاڭتار كۇنى اۋا رايىنىڭ بۇزىلۋىنا بايلانىستى «استانا-كوكشەتاۋ» تراسساسى جابىلدى. «قازاۆتوجول» رمك-نىڭ مالىمەتتەرى بويىنشا, اقمولا وبلىسىندا ساعات 15-00-دەن باستاپ, اۋا رايىنىڭ بۇزىلۋىنا بايلانىستى (بۇرقاسىن, جول كورىنىسىنىڭ شەكتەۋلىگى) «جەزقازعان-پەتروپاۆل» (377-440 كم) اۆتوجولىنىڭ بويىندا بارلىق كولىك قۇرالدارى ءۇشىن قوزعالىس توقتادى. قوستاناي وبلىسىندا ساعات 12-15-تەن باستاپ, بۇرقاسىنىڭ سالدارىنان «اۋليەكول-جولداما» (0-257 كم) جولىنىڭ وبلىستىق ماڭىزداعى بولىگىندە بارلىق كولىكتەر ءۇشىن قوزعالىس توقتاتىلدى. پاۆلودار وبلىسىندا ساعات 12-00-دەن باستاپ, وبلىستىق ماڭىزداعى «پاۆلوۆكا-گاليتسكوە» (0-40 كم), «شاقات-ۆوستوچنوە-شالداي» (0-121 كم) جولىنىڭ بولىگى بارلىق كولىك تۇرلەرى ءۇشىن جابىق. الماتى وبلىسىندا ساعات 19-00-دەن باستاپ (2 قاڭتار), اۋا رايىنىڭ بۇزىلۋىنا بايلانىستى (بۇرقاسىن, جول كورىنىسىنىڭ شەكتەۋلىگى) وبلىستىق ماڭىزداعى «تالدىقورعان-قاپال» (0-76 كم) مەن «سارىوزەك-قوعالى» جولدارىنىڭ بويى بارلىق كولىك قۇرالدارى ءۇشىن جابىلدى. شىعىس قازاقستان وبلىسىندا ساعات 17-30-دان باستاپ, اۋا رايىنىڭ بۇزىلۋىنا بايلانىستى (بۇرقاسىن, جول كورىنىسىنىڭ ناشارلاۋى) رەسپۋبليكالىق ماڭىزداعى «سەمەي-قاينار» (8-284 كم) مەن (وسكەمەن-سەمەي) (150-198 كم, سەمەي- ءشۇلبى), وبلىستىق ماڭىزداعى «سەمەي-قاراۋىل» (4-80 كم), «دميتريەۆكا-بورودۋليحا-شەمونايحا» (0-87 كم) «بورودولۋحا-جەزكەنت» (0-49 كم) جولدارى بارلىق كولىك قۇرالدارى ءۇشىن جابىق.