كىتاپحانا – سەنىمدى كومەكشىمىز

قاراعاندى قالاسىنداعى №92 گيمنازيادا ءاليحان بوكەيحانوۆتىڭ 150 جىلدىعىنا ارنالعان كىتاپ كور­مەسى ۇيىمداستىرىلىپ, «الاش» قوزعالىسىنىڭ ۇلى كوسەمى – ءاليحان» دەگەن تاقىرىپتا دوڭگەلەك ۇستەل ءوتتى. وقۋشىلاردىڭ كىتاپقا دەگەن سۇيىسپەنشىلىگىن ارتتىرۋ ماقساتىن كوزدەگەن كورمەدە شاكىرتتەر نازارىنا مەكتەپ كىتاپحاناسىنىڭ بايىرعى قورىمەن قاتار, ءبىرتالاي جاڭا تۋىندىلار دا ۇسىنىلدى. ال دوڭگەلەك ۇستەل وتىرىسىندا ءاليحان بوكەيحان ۇلىنىڭ عۇلاما عالىم, تاريحشى, ەتنوگراف, ادەبيەتتانۋشى, اۋدار­ماشى, پۋبليتسيست رە­تىن­دەگى سان قىرى سارالانىپ, ونىڭ قازاق حالقىنىڭ ساياسي-الەۋ­مەتتىك, مادەني, رۋحاني تاريحىندا الاتىن ورنى ۇستازدار مەن وقۋشىلاردىڭ قىزۋ پىكىرتالاسىنا وزەك بولدى. مەكتەبىمىزدە وقۋشىلاردى ءبىلىم الەمىنە تارتۋدا كىتاپ­حانانىڭ اتقاراتىن ءرولى زور. اتالعان شارالار سو­لار­دىڭ ءبىرى عانا. وسى ورايدا گيمنازيامىزدىڭ كىتاپ­حاناشىلارى ج.قۇسايىن مەن ءۇ.ماقاتوۆانىڭ جانە تاريح ءپانىنىڭ مۇعالىمى د.ءۇتجانوۆتىڭ ەڭبەگى زور. كىتاپحانادا ءارتۇرلى تاقىرىپتاعى ءىس-شارالار ءجيى وتەدى. وقۋشىلارعا كەرەكتى ادەبيەتتى تاۋىپ بەرۋ, باعىت-باعدار كورسەتۋ, ادەبيەتتىڭ ءتىزىمىن قۇراستىرۋ سياقتى كوز­گە كورىنبەيتىن, ماڭىزى زور جۇمىستار تۇراقتى اتقارىلادى. كىتاپحانا مەكتەبىمىزدىڭ گۇل­دەنۋىنە مول ۇلەس قوسىپ, وقۋ­شىلارعا دا, ۇستازدارعا دا ۇلكەن كومەگىن تيگىزىپ وتىر. ايجان سۇلتانوۆا, دينارا قانافينا, №92 گيمنازيانىڭ 9-سىنىپ وقۋشىلارى قاراعاندى