ەلوردادا جاڭاجىلدىق شىرشا ءوتتى

«ەكسپو جاڭاجىلدىق شامدارى» اتاۋىمەن ەلوردانىڭ وقۋشىلار سارايىندا ەل پرەزيدەنتى نۇرسۇلتان نازارباەۆتىڭ اتىنان بالالاردىڭ شىرشا تويى ءوتتى. جاڭاجىلدىق شىرشاعا 200-گە جۋىق بالا قاتىستى, سونىڭ ىشىندە, 9-13 جاس ارالىعىنداعى اتا-انا قامقورلىعىنان ايىرىلعان, مۇمكىندىگى شەكتەۋلى, از قامتىلعان جانە كوپ بالالى وتباسىلاردان شىققان بالالار, دارىندى وقۋشىلار بار. 27 جەلتوقساندا ساعات 11:00-دە وقۋشىلار سارايىندا استانا اكىمىنىڭ اتىنان جاڭاجىلدىق شىرشا وتەدى. شاراعا اتا-انانىڭ قامقورلىعىنان ايىرىلعان, مۇمكىندىگى شەكتەۋلى, از قامتىلعان جانە كوپ بالالى وتباسىلاردان شىققان بالالار, دارىندى وقۋشىلار, بارلىعى 300-گە جۋىق ءبۇلدىرشىن قاتىسادى. بۇگىنگى كۇنى استانادا جەتىم قالعان جانە اتا-انانىڭ قامقورلىعىنان ايىرىلعان 989 بالا بار, 590 بالا قامقورلىققا الىنعان, 72-ءسى پاتروناتتىق تاربيە الۋدا. ال جەتىم بالالارعا ارنالعان مەكەمەلەردە 327 بالا تۇرىپ جاتىر.