قازاقستاندىق پاراليمپياداشىلار ماسكەۋ كۋبوگىن جەڭىپ الدى

ات سپورتىنان مۇمكىندىگى شەكتەۋلە جاندار اراسىنداعى سايىستا قازاقستان قۇراماسى ءبىر التىن جانە ەكى كۇمىس مەدالدار ەنشىلەدى, دەپ حابارلايدى قازاقپارات. جارىستار 6-9 جەلتوقسان ارالىعىندا ماسكەۋ تۇبىندەگى حيمكي قالاسىندا ءوتتى.  ەل نامىسىن پاراليمپياداشى ءتورت سپورتشى قورعادى. ونىڭ ۇشەۋى ولجالى ورالدى. قر ۇلتتىق پاراليمپيادا كوميتەتىنىڭ سايتىندا جاريالانعان اقپاراتقا سايكەس, التىندى ۆ تەستىندە دياس ەسكەرمەسوۆ جەڭىپ الدى. «العاشقى ۇيرەتۋ» سىناعى بويىنشا ا تەستىندە الماس يسانوۆ ەكىنشى ورىنعا يە بولدى. قازاقستانعا تاعى ءبىر كۇمىس مەدالدى ايعانىم ەرمەكوۆا الىپ كەلدى. ول دەربي تەستى جانە مۋزىكالىق سۇيەمەلدەۋمەن ەركىن باعدارلاما بويىنشا ونەر كورسەتتى. ولاردىڭ ارقايسىسىندا ەكىنشى ورىندى يەلەنىپ, ناتيجەسىندە كۇمىس القا تاعىندى. جارىستاردىڭ جەڭىمپازى دياس ەسكەرمەسوۆ 2015 جىلى لوس-اندجەلەستە وتكەن دۇنيەجۇزىلىك جازعى ارنايىلاندىرىلعان وليمپيادا ويىندارىنا قاتىسقان بولاتىن. سپورتشى ءۇش مەدال - التىن, كۇمىس جانە قولانى ەنشىلەپ قايتقان ەدى. 2015 جىلدىڭ سوڭىندا ودان اقىل-ەسىنىڭ كەمىستىگى دياگنوزى الىنىپ, ول كوللەدجگە وقۋعا تۇسە الدى. «قولدا بار بازانى ءۇش-ءتورت اتپەن تولىقتىرىپ, باپكەرلىك قۇرامنىڭ بىلىكتىلىگىن ازداپ جوعارىلاتىپ جىبەرسە, الدىمەن رەيتينگىلىك, ودان ءارى - ءتورت جىلدان كەيىن توكيودا وتەتىن دۇنيەجۇزىلىك حالىقارالىق پاراليمپيادا ويىندارىنا قاتىسۋ تۋرالى ويلاستىرۋعا بولاتىن ەدى», - دەپ جازىلعان قازاقستان ۇلتتىق پاراليمپيادا كوميتەتىنىڭ سايتىندا.